கருணாநிதி உடல்நிலை குறித்து நடிகை ஓவியா?
- IndiaGlitz, [Thursday,August 02 2018]
சென்னை காவேரி மருத்துவமனையில் திமுக தலைவர் கருணாநிதி கடந்த ஆறு நாட்களாக தீவிர சிகிச்சை பிரிவில் சிகிச்சை பெற்று வருகிறார். அவருடைய உடல்நிலையில் தற்போது நல்ல முன்னேற்றம் ஏற்பட்டுள்ளதாக மருத்துவமனை வட்டாரங்கள் தெரிவிக்கின்றன. இந்த நிலையில் கருணாநிதியின் உடல்நிலை குறித்து விசாரிக்க கடந்த சில நாட்களாக திரையுலகினர் திரண்டு வருகின்றனர். குறிப்பாக ரஜினி, கமல், அஜித், விஜய் உள்பட அனைத்து நடிகர்களும் கருணாநிதியின் உடல்நிலை குறித்து நேரில் விசாரித்து தெரிந்து கொண்டனர்.
இந்த நிலையில் பிக்பாஸ் மூலம் பிரபலமாகிய நடிகை ஓவியா திமுக தலைவர் கருணாநிதி உடல்நிலை குறித்து கூறியப்போது 'திமுக தலைவர் கருணாநிதி உடல் நலம் பெற வேண்டுகிறேன்' என்று கூறியுள்ளார். மேலும் திமுக தலைவர் கருணாநிதியை சந்திக்கும் வாய்ப்பு உள்ளதா? என்ற செய்தியாளர்கள் கேட்ட கேள்விக்கு 'நான் அரசியல்வாதி இல்லை' என்று பதிலளித்தார்.
பெரும்பாலான நடிகர்கள் கருணாநிதியை சந்திக்க காவேரி மருத்துவமனைக்கு வந்தபோதிலும், பெரிய நடிகைகள் யாரும் இதுவரை மருத்துவமனைக்கு வந்து கருணாநிதியின் உடல்நிலை குறித்து விசாரிக்க நேரில் வரவில்லை என்பது குறிப்பிடத்தக்கது