'பிக்பாஸ்' ஓவியாவின் அடுத்த படம்: பிரபல இயக்குனர் தகவல்
- IndiaGlitz, [Monday,July 31 2017]
மிர்ச்சி சிவா இயக்கத்தில் சி.எஸ்.அமுதன் இயக்கிய 'தமிழ்ப்படம்' திரைப்படத்தின் இரண்டாம் பாகம் விரைவில் உருவாகவுள்ளதாகவும், முதல் பாகத்தின் கூட்டணியே இரண்டாவது பாகத்திலும் தொடர்வதாகவும் வெளிவந்த செய்தியினை நேற்று பார்த்தோம்.
இந்த நிலையில் 'தமிழ்ப்படம் 2' படத்தில் நாயகியாக ஓவியாவை நடிக்க வைக்க தனக்கு நிறைய வேண்டுகோள்கள் ரசிகர்களிடம் இருந்து வந்து கொண்டிருப்பதாகவும், தனக்கும் அப்படி ஒரு எண்ணம் இருப்பதாகவும், ஓவியா வெளியே வந்தவுடன் அவர் ஒப்புக்கொண்டால் அவருடன் பணியாற்ற தயாராக இருப்பதாகவும் சி.எஸ்.அமுதன் தனது சமூக வலைத்தளத்தில் கூறியுள்ளார்.
ஓவியா வெளியே வந்தவுடன் முன்னணி நடிகர்களே அவரை தங்கள் படங்களில் பரிந்துரை செய்வார்கள் என்று எதிர்பார்க்கப்படும் நிலையில், 'தமிழ்ப்படம் 2' படத்தில் அவர் நடிக்க ஒப்புக்கொள்வாரா? என்பதை பொறுத்திருந்து பார்ப்போம்