பிக்பாஸ் நிகழ்ச்சியின் மூலம் உலகப்புகழ் பெற்றவர் ஓவியா என்பது அனைவரும் அறிந்ததே. அவருடைய உண்மை, கள்ளங்கபடம் இல்லா மனம் ஆகியவை தமிழக இளைஞர்களை கவர்ந்தது. இதனால் அவர் பெயரில் ஓவியா ஆர்மி, ஓவியா படை ஆகியவை சமூக வலைத்தளங்களில் ஆரம்பிக்கப்பட்டது.

இந்த நிலையில் மனநிலை அழுத்தம் காரணமாக பிக்பாஸ் நிகழ்ச்சியில் இருந்து பாதியில் வெளியேறிய ஓவியா, அதன் பின்னர் ஒருசில படங்களில் நடிக்க ஒப்பந்தமானார். அவற்றில் ஒன்று ராகவா லாரன்ஸ் நடித்து இயக்கும் 'காஞ்சனா 3' திரைப்படம்

இந்த நிலையில் தற்போது வெளிவந்துள்ள செய்தியின்படி ஓவியா, 'காஞ்சனா 3' படத்தில் இருந்து விலகிவிட்டதாக கூறப்படுகிறது. காஞ்சனா 3 படத்தின் படப்பிடிப்புகள் தொடங்க காலதாமதம் ஆகி வருவதால் அந்த படத்தில் இருந்து விலகுவதாக விளக்கம் ஓவியா அளித்துள்ளார். மேலும் இந்த படத்திற்காக தான் வாங்கிய அட்வான்ஸ் பணத்தை, வட்டியுடன் நடிகை ஓவியா திருப்பி கொடுத்துள்ளதாகவும் தகவல்கள் வெளியாகி உள்ளன..