உலக நாயகன் கமல்ஹாசன் தொகுத்து வழங்கிய பிக்பாஸ் நிகழ்ச்சியின் மூலம் புகழின் உச்சத்துக்கு சென்றவர் நடிகை ஓவியா என்பது தெரிந்ததே. இந்த நிகழ்ச்சியின் வெற்றியாளரான ஆரவ்வை விட ஓவியாவுக்கு அதிக ரசிகர்கள் இருந்தனர் என்பதும், அந்த அன்பின் மிகுதியால் சமூக வலைத்தளங்களில் ஓவியா பல நாட்கள் டிரெண்டில் இருந்தார் என்பதும் தெரிந்ததே

இந்த நிலையில் பிரபல ஆங்கில பத்திரிகை ஒன்று 2017ஆம் ஆண்டின் மிகவும் விரும்பத்தக்க பெண்களின் பட்டியல் ஒன்றை வெளியிட்டுள்ளது. இதில் பிக்பாஸ் புகழ் நடிகை ஓவியாவுக்கு 28வது இடம் கிடைத்துள்ளது.

இந்த பட்டியலில் உலக அழகி பட்டம் வென்ற மனுஷி ஷெல்லார் முதலிடத்தையும், நடிகை தீபிகா படுகோனே இரண்டாவது இடத்தையும், பிரபல நடிகை ஜாக்குலின் பெர்ண்டஸ் மூன்றாவது இடத்தையும் பிடித்துள்ளனர்.

மேலும் எமிஜாக்சன் 6வது இடத்திலும் சன்னிலியோன் 8வது இடத்திலும், பூஜா ஹெக்டே 22வது இடத்திலும், சோனம் கபூர் 24வது இடத்திலும், கங்கனா ரனாவத் 34வது இடத்திலும், ராதிகா ஆப்தே 43வது இடத்திலும், ஷ்ரேயா சரண் 48வது இடத்திலும் பார்வதி 50வது இடத்திலும் உள்ளனர்.