நடிகை ஓவியா தமிழில் சுமார் பத்து படங்களுக்கு மேல் நடித்திருந்தாலும் பிக்பாஸ் நிகழ்ச்சியின்போது தான் அவர் உலக தமிழர்களின் மனதில் இடம்பிடித்தார். ஓவியாவின் ஒரிஜினல் கேரக்டரை பார்த்த பின்னர்தான் ஒரு மனிதன் உண்மையாக, இயல்பாக இருந்தால் எந்த அளவுக்கு மதிப்பும் மரியாதையும் கிடைக்கும் என்பது நிரூபணம் ஆகியது

இந்த நிலையில் ஓவியா தற்போது 'காஞ்சனா 3' உள்பட ஒருசில படங்களில் நடித்து பிசியாக உள்ளார். இந்த நிலையில் அவருக்கு 'அவள் விகடன்' சார்பில் விருது வழங்கப்பட்டுள்ளது. ஆணவமில்லா ராணுவத் தலைவி இவர் என்றும் ஓவியா ஆர்மிதான் சென்ற ஆண்டின் சென்சேஷனல் ஹிட்' என்றும் இந்த விருதிற்கான காரணமாக கூறப்பட்டுள்ளது.

இந்த நிலையில் இந்த விருது குறித்து நடிகை ஓவியா தனது சமூக வலைத்தளத்தில் கூறியபோது, 'அவள் விகடனில் இருந்து 'டார்லிங் ஆஃப் தமிழ்நாடு விருது பெற்றது ஒரு மிகப்பெரிய கெளரவமாக பார்க்கின்றேன். அதிலும் நான் மிகவும் மரியாதை வைத்திருக்கும், மிகவும் விரும்பத்தக்க ஆளுமை உள்ள ஸ்ரீப்ரியா அவர்களிடம் இருந்து இந்த விருதை பெற்றதை பெருமையாக கருதுகிறேன்' என்று கூறியுள்ளார்.