అతిలోక సుందరికి అవుట్ స్టాండింగ్ అవార్డ్..
- IndiaGlitz, [Wednesday,June 15 2016]
తెలుగు, త‌మిళ, క‌న్న‌డ, మ‌ల‌యాళ చిత్రాల్లో న‌టించి త‌న అందం, అభిన‌యంతో ఆక‌ట్టుకుని ప్రేక్ష‌క హృద‌యాల్లో సుస్ధిర స్ధానం సంపాదించుకున్న అతిలోక సుంద‌రి శ్రీదేవి. సౌత్ లోనే కాకుండా బాలీవుడ్ లోకూడా ఎంట్రీ ఇచ్చి నార్త్ లో కూడా స‌క్సెస్ సాధించి త‌న‌కంటూ ఓ ప్ర‌త్యేక గుర్తింపు ఏర్ప‌రుచుకుంది. తెలుగులో ప‌ద‌హారేళ్ల వ‌య‌సు, దేవ‌త, ఆక‌లి రాజ్యం, ఆఖ‌రి పోరాటం...హిందీలో స‌ద్మా, హిమ‌త్ వాలా, మిస్ట‌ర్ ఇండియా, ఖుదా గ‌వా...త‌దిత‌ర చిత్రాలు శ్రీదేవికి మంచి పేరు తీసుకువ‌చ్చాయి.కొన్ని ద‌శాబ్దాలుగా ప్రేక్ష‌కుల‌ను అల‌రిస్తున్న ఈ అతిలోక సుందరికి ఇంట‌ర్నేష‌న‌ల్ ఇండియన్ ఫిల్మ్ అకాడ‌మీ (ఐఐఎఫ్ఎ) సంస్థ 2016 అవుట్ స్టాండింగ్ ఎఛీవ్ మెంట్ అవార్డ్ ను ప్ర‌దానం చేయనుంది. ఈ నెల 23 నుంచి 26 వ‌ర‌కు స్పెయిన్ రాజ‌ధాని మాడ‌రిడ్ లో జ‌ర‌గ‌నున్న వేడుక‌లో ఈ అవార్డ్ ను అతిలోక సుంద‌రి శ్రీదేవికి అంద‌చేయ‌నున్నారు.