OTT:ఈవారం ఓటీటీలో స్ట్రీమింగ్ అయ్యే చిత్రాలు/వెబ్ సిరీస్‌లు ఇవే..
- IndiaGlitz, [Thursday,October 26 2023]
ప్రతి వారం లాగే ఈ వారం కూడా ప్రేక్షకులను అలరించేందుకు ఓటీటీ ఫ్లాట్‌ఫామ్స్ సిద్ధమయ్యాయి. కొత్త సినిమాలు, వెబ్ సిరీస్‌లను ఆడియన్స్ ముందుకు తీసుకురాబోతున్నాయి. ఇంతకీ ఓటీటీలో ఏ సినిమా, వెబ్ సిరీస్ రానుందో ఇప్పుడు తెలుసుకుందాం.
స్కంద- డిస్నీ ప్లస్ హాట్స్టార్
ఎనర్జిటిక్ స్టార్ రామ్ పోతినేని, మాస్ డైరెక్టర్ బోయపాటి శీను కాంబినేషన్‌లో వచ్చిన 'స్కంద' మూవీ బాక్సాఫీస్ డివైడ్ టాక్ తెచ్చుకుంది. రామ్ కెరీర్‌లోనే ఊర మాస్ చిత్రంగా తెరకెక్కిన ఈ మూవీ క్లాస్ అభిమానులను అలరించలేకపోయింది. ఇప్పుడీ సినిమా ఓటీటీలోకి వస్తోంది. ఈనెల 27(శుక్రవారం) నుంచి డిస్నీ ప్లస్ హాట్ స్టార్‌లో స్ట్రీమింగ్ కానుంది. మరి ఓటీటీలో ఎలాంటి టాక్ అందుకుంటుందో చూడాలి.
చంద్రముఖి2- నెట్ఫ్లిక్స్
సూపర్ స్టార్ రజనీకాంత్ 18 సంవత్సరాల క్రితం నటించిన చంద్రముఖి సినిమా సీక్వెల్‌గా చంద్రముఖి2 సెప్టెంబర్ నెలలో విడుదలైంది. అయితే చంద్రముఖి స్థాయి విజయాన్ని అందుకోలేక అభిమానులను నిరాశపరిచింది. ఇందులో లారెన్స్, బాలీవుడ్ క్వీన్ కంగనా రనౌత్ నటించారు. ఇక ఈ సినిమా నెట్‌ఫ్లిక్స్‌లో అక్టోబర్ 26(గురువారం) నుంచి స్ట్రీమింగ్ అవుతోంది. తమిళ, తెలుగు, మలయాళ, కన్నడ, హిందీ భాషల్లో అందుబాటులో ఉంది.
ఛాంగురే బంగారు రాజా- ఈటీవీ విన్
కార్తీక్‌ రత్నం, గోల్డీ నిస్సీ జంటగా హీరో రవితేజ నిర్మించిన చిత్రం ‘ఛాంగురే బంగారు రాజా’. సతీష్‌ వర్మ తెరకెక్కించిన ఈ మూవీలో సత్య, రవిబాబు, నిత్యశ్రీ, ఎస్తర్‌ నోరోన్హా కీలక పాత్రలు పోషించారు. సెప్టెంబరులో ప్రేక్షకుల ముందుకు వచ్చిన ఈ సినిమా పర్వాలేదనిపించింది. ఇప్పుడు ఈటీవీ విన్ వేదికగా అక్టోబరు 27వ తేదీ నుంచి స్ట్రీమింగ్ కానుంది.
ఇరైవన్‌(గాడ్)- నెట్ఫ్లిక్స్
తమిళ హీరో జయం రవి, లేడీ సూపర్ స్టార్ నయనతార కీలక పాత్రల్లో ఐ.అహ్మద్‌ దర్శకత్వంలో రూపొందిన సైకలాజికల్‌ క్రైమ్‌ థ్రిల్లర్‌ ‘ఇరైవన్‌’. తెలుగులో ‘గాడ్’ పేరుతో ప్రేక్షకుల ముందుకు వచ్చింది. సెప్టెంబరు 28న ప్రేక్షకుల ముందుకు వచ్చిన ఈ చిత్రం బాక్సాఫీస్ వద్ద ఆశించిన విజయాన్ని అందుకోలేకపోయింది. ప్రముఖ ఓటీటీ వేదిక నెట్ఫ్లిక్స్ వేదికగా గురువారం (అక్టోబరు 26) నుంచి తమిళ, తెలుగు, కన్నడ, మలయాళ, హిందీ భాషల్లో స్ట్రీమింగ్ అవుతోంది.
ఓటీటీలో స్ట్రీమింగ్ అయ్యే మరికొన్ని చిత్రాలు/సిరీస్‌లు..
నెట్ఫ్లిక్స్- పెయిన్‌ హజ్లర్స్‌(అక్టోబరు 27)
జీ5- దురంగా వెబ్ సిరీస్ (స్ట్రీమింగ్ అవుతోంది)
డిస్నీ+హాట్స్టార్- మాస్టర్‌ పీస్‌ (స్ట్రీమింగ్ అవుతోంది)
ఆహా- కేస్‌ 30, సురాపానం (అక్టోబరు 27)