விஜய்சேதுபதியின் 'ஒருநல்ல நாள் பாத்து சொல்றேன்' பிரஸ்மீட்: சில துளிகள்
- IndiaGlitz, [Tuesday,January 23 2018]
விஜய்சேதுபதி, கவுதம் கார்த்திக், காயத்ரி, நிஹாரிகா உள்பட பலர் நடிப்பில் ஆறுமுககுமார் இயக்கத்தில் உருவாகியுள்ள 'ஒருநல்ல நாள் பாத்து சொல்றேன்' திரைப்படத்தின் பத்திரிகையாளர் சந்திப்பு இன்று சென்னையில் சற்றுமுன் நடைபெற்றது. இந்த விழாவில் பேசியவர்களின் சில துளிகள்:
கவுதம் கார்த்திக்: இந்த படத்தில் நான் நடிக்க காரணமாக இருந்தவர் விஜய்சேதுபதி. அவருக்கு எனது நன்றிகள். அவர் தான் இந்த கேரக்டருக்கு நான் பொருத்தமாக இருப்பேன் என்று தயாரிப்பாளர், இயக்குனரிடம் பரிந்துரை செய்தார். நல்ல மனிதநேயம் கொண்டவர். ஒரு கேரக்டருக்காக இவ்வளவு மெனக்கெடும் நடிகரை நான் இதுவரை பார்த்ததில்லை
ரமேஷ் திலக்: இந்த படத்தின் குழுவினர் அனைவரும் ஒரு குடும்பம் போல் பணியாற்றினோம். இந்த படத்தில் நடித்தது எனக்கு ஒரு நல்ல அனுபவம்
நடிகை நிஹாரிகா: எனக்கு தமிழ் மொழி தெரியாததால் முதல் நாள் படப்பிடிப்பின்போது டென்ஷனாக இருந்தேன். ஆனால் படக்குழுவினர் ஒவ்வொருவரும் அவர்களில் ஒருவராகவே என்னை நடத்திய விதம், என்னுடைய பயத்தை போக்கடித்தது. எனக்கு இந்த படம் மூலம் தமிழில் நல்ல வாய்ப்புகள் கிடைக்கும் என்று எதிர்பார்க்கின்றேன்
காயத்ரி: இந்த படத்தில் என்னுடைய கேரக்டர் பெயர் கோதாவரி: இந்த படத்தில் விஜய்சேதுபதி இருக்கின்றார் என்பதை அறிந்தவுடன் கதையை கூட கேட்காமல் நடிக்க ஒப்புக்கொண்டேன்.
நடிகர் டேனியல்: இந்த படம் வெளிவந்தவுடன் 'ஆம்லேட் திருடன்' என்ற வசனம் வைரலாகும்.