பிரபல ரேடியோ ஜாக்கியை திருமணம் செய்கிறார் ரமேஷ் திலக்
- IndiaGlitz, [Monday,January 02 2017]
ரேடியா ஜாக்கியாக இருந்து தமிழ் திரையுலகில் நகைச்சுவை நடிகரான ரமேஷ் திலக் சூதுகவ்வும், நேரம், உள்ளிட்ட படங்களின் மூலம் ரசிகர்களை கவர்ந்தார். கடந்த ஆண்டு வெளியான 'ஒருநாள் கூத்து', 'ஆண்டவன் கட்டளை' ஆகிய படங்கள் ரமேஷ் திலக் நடிப்பை அபாரமாக வெளிப்படுத்த ஒரு நல்ல சந்தர்ப்பமாக அமைந்தது.
இந்நிலையில் ரேடியோ ஜாக்கியான ரமேஷ் திலக் இன்னொரு புகழ்பெற்ற ரேடியோ ஜாக்கியான நவலட்சுமி என்பவரை திருமணம் செய்யவுள்ளார். இந்த தகவலை நேற்றைய புத்தாண்டு தினத்தில் ரமேஷ் திலக் தனது சமூக வலைத்தளத்தில் புகைப்படத்துடன் பதிவு செய்துள்ளார்.
புரியாத புதிர், டிக் டிக் டிக், இமைக்கா நொடிகள் ஆகிய படங்களில் நடித்து வரும் ரமேஷ் திலக், சினிமாவிலும் இல்வாழ்க்கையிலும் இந்த வருடம் சிறந்து விளங்க நமது வாழ்த்துக்கள்.