கடந்த வெள்ளியன்று 'ஒரு கிடாயின் கருணை மனு, '7 நாட்கள்', 'போங்கு' ஆகிய படங்கள் ரிலீஸ் ஆன நிலையில் இந்த மூன்று படங்களுமே கடந்த வார இறுதி நாட்களில் சராசரி வசூலை பெற்றுள்ளது.

ஒரு கிடாயின் கருணை மனு' திரைப்படம் சென்னையில் 13 திரையங்குகளில் 45 காட்சிகள் திரையிடப்பட்டு ரூ.6,94,080 வசூல் செய்துள்ளது. சராசரி வசூலை பெற்றாலும் ரசிகர்கள் மற்றும் ஊடகங்களின் பாசிட்டிவ் விமர்சனத்தை பெற்றுள்ளதால் இந்த படம் வரும் நாட்களில் வசூல் அதிகரிக்கும் என எதிர்பார்க்கப்படுகிறது

இயக்குனர் பி.வாசுவின் மகன் சக்திவாசு நடித்த '7 நாட்கள்' திரைப்படம் சென்னையில் கடந்த வாரம் 8 திரையரங்குகளில் 26 காட்சிகள் திரையிடப்பட்டு. ரூ.2,68,560 வசூல் செய்துள்ளது.

அதேபோல் பெரும் எதிர்பார்ப்பை ஏற்படுத்திய நட்டி நட்ராஜின் 'போங்கு' திரைப்படம் கடந்த வாரம் சென்னையில் 22 திரையரங்குகளில் 96 காட்சிகள் திரையிடப்பட்டு ரூ.17,48,810 வசூல் செய்துள்ளது.