రెండోసారి చిరు హీరోయిన్‌గా ?
- IndiaGlitz, [Monday,July 29 2019]
మెగాస్టార్ చిరంజీవి, కొర‌టాల శివ ద‌ర్శ‌క‌త్వంలో సినిమా రూపొంద‌నున్న సంగ‌తి తెలిసిందే. చిరంజీవి పుట్టిన‌రోజు ఆగ‌స్ట్ 22న సినిమా లాంఛ‌నంగా ప్రారంభ‌మ‌వుతుంద‌ని వార్త‌లు విన‌ప‌డుతున్నాయి. అయితే రెగ్యుల‌ర్ షూటింగ్ మాత్రం న‌వంబ‌ర్‌లోనే అని అంటున్నారు. అయితే ఈ సినిమాలో చిరంజీవి హీరోయిన్ ఎవ‌ర‌నే దానిపై ప‌లు వార్త‌లు ఎప్ప‌టి నుండో విన‌ప‌డుతున్నాయి. ముఖ్యంగా న‌య‌న‌తార, అనుష్క, శ్ర‌ద్ధా శ్రీనాథ్ స‌హా బాలీవుడ్ హీరోయిన్ ఐశ్వ‌ర్యారాయ్‌ పేర్లు ప్ర‌ముఖంగా విన‌ప‌డ్డాయి. అయితే తాజాగా ఈ లిస్టులో మ‌రో హీరోయిన్ చేరింది. ఆమె ఎవ‌రో కాదు.. కాజ‌ల్ అగర్వాల్.
చిరంజీవి 150వ చిత్రం 'ఖైదీ నంబ‌ర్ 150'లో కాజ‌ల్ అగర్వాల్ హీరోయిన్‌గా న‌టించింది. ఇప్పుడు ఆమె అయితే స‌రిపోతుంద‌ని రామ్‌చ‌ర‌ణ్ అండ్ యూనిట్ భావించి ఉండొచ్చు. త‌న‌దైన స్టైల్లో కొర‌టాల ఈ చిత్రాన్ని మెసేజ్ ఒరియెంటెడ్ క‌మ‌ర్షియ‌ల్ పంథాలో తెర‌కెక్కిస్తున్నారు. ఈ చిత్రంలో చిరంజీవి రెండు పాత్ర‌ల్లో క‌నిపిస్తార‌ని టాక్‌.