ఊపిరి చూసి అరెస్టైన విద్యార్ధులు..
- IndiaGlitz, [Monday,April 04 2016]
ఊపిరి సినిమా చూసి విద్యార్ధులు అరెస్ట్ అవ్వ‌డం ఏమిటి అనుకుంటున్నారా..? ఇది నిజం. అయితే... పైర‌సీ సినిమా చూడ‌డం వ‌ల‌న అరెస్ట్ చేసార‌నుకుంటే పొర‌పాటే. పైర‌సీ కాదు...థియేట‌ర్లో సినిమా చూస్తుంటేనే అరెస్ట్ చేసార‌ట. ఇంత‌కీ విష‌యం ఏమిటంటే...టిక్కెట్ కొన‌కుండా ద‌ర్జాగా ధియేట‌ర్లో ఊపిరి సినిమా చూస్తున్నార‌ట.
ఈ విష‌యం తెలుసుకుని థియేట‌ర్ యాజ‌మాన్యం పోలీసుల‌కు స‌మాచారం అందించార‌ట. వెంట‌నే పోలీసులు రంగంలోకి దిగి టిక్కెట్ కొన‌కుండా ఊపిరి సినిమా చూస్తున్న విద్యార్ధుల‌ను అరెస్ట్ చేసార‌ట. ఈ సంఘ‌ట‌న జ‌రిగింది అమెరికాలో కావ‌డం విశేషం. విద్యార్ధుల‌ను స్టేష‌న్ కి తీసుకెళ్లి జ‌రిమానా వేసి..వార్నింగ్ ఇచ్చి వ‌దిలేసార‌ట. ఈ ఘ‌ట‌న పై కేసు న‌మోదు చేసారా లేదా అనేది తెలియ‌లేదు. టిక్కెట్ కొన‌కుండా తెలుగు విద్యార్ధులు సినిమా చూసిన విష‌యం వారు చ‌దివే యూనివ‌ర్శిటీలో తెలిసి పెద్ద చ‌ర్చ‌నీయాంశంగా మారింద‌ట. అదీ సంగతి.