నాగ్ కెరీర్ లో ఊపిరి ఆల్ టైమ్ రికార్డ్
- IndiaGlitz, [Thursday,April 14 2016]
మనం, సోగ్గాడే చిన్ని నాయనా, ఊపిరి...ఇలా వరుస విజయాలతో హ్యాట్రిక్ సాధించి సెన్సేషన్ క్రియేట్ చేసారు టాలీవుడ్ కింగ్ నాగార్జున. మనం సినిమా తెలుగు సినిమాలో ఇప్ప‌టి వ‌ర‌కు రాని స‌రికొత్త క‌థాంశంతో రూపొంది ఓ క్లాసిక్ గా నిలిచిన విష‌యం తెలిసిందే. తెలుగు రాష్ట్రాల్లో సంచ‌ల‌న విజ‌యం సాధించిన మనం చిత్రం యు.ఎస్ లో 1.5 మిలియ‌న్ మార్క్ ను దాటి రికార్డ్ క్రియేట్ చేసింది.
ఆత‌ర్వాత నాగార్జున న‌టించిన సోగ్గాడే చిన్ని నాయనా చిత్రం 1 మిలియ‌న్ ద‌గ్గ‌ర‌లో ఆగిపోయింది. అయితే...తాజాగా నాగార్జున న‌టించిన ఊపిరి చిత్రం ఓవ‌ర్ సీస్ లో $1.539 డాల‌ర్లు వ‌సూలు చేసి.. మనం రికార్డ్ ను క్రాస్ చేసి.. నాగార్జున కెరీర్ లో ఆల్ టైమ్ హ‌య్య‌స్ట్ గ్రాస‌ర్ గా నిలిచి స‌రికొత్త రికార్డు సాధించింది. ఊపిరి రిలీజై మూడు వారాలు దాటినా నేటికీ స‌క్సెస్ ఫుల్ గా ర‌న్ అవుతూ టు మిలియ‌న్ మార్క్ కి ద‌గ్గ‌ర‌లో ఉండ‌డం విశేషం.