యు.ఎస్ లో రికార్డ్ క్రియేట్ చేస్తున్న ఊపిరి
- IndiaGlitz, [Saturday,April 09 2016]
నాగార్జున - కార్తీ - త‌మ‌న్నా కాంబినేష‌న్లో వంశీ పైడిప‌ల్లి తెర‌కెక్కించిన చిత్రం ఊపిరి. ఈ చిత్రాన్ని పి.వి.పి సంస్థ తెలుగు, త‌మిళ్ లో నిర్మించింది. మార్చి 25న ప్ర‌పంచ వ్యాప్తంగా రిలీజైన ఊపిరి చిత్రం అన్నివ‌ర్గాల ప్రేక్ష‌కుల ఆద‌ర‌ణ‌తో విజ‌య‌వంతంగా ప్ర‌ద‌ర్శింప‌బ‌డుతోంది. మూడ‌వ వారంలో ప్ర‌వేశించిన‌ప్ప‌టికీ, తెలుగు రాష్ట్రాల్లో ఉగాది రోజున ఊపిరి ధియేట‌ర్స్ అన్నీ హౌస్ ఫుల్ కావ‌డం విశేషం. ఇక యు.ఎస్ లో అయితే ఊపిరి రికార్డ్ స్ధాయి క‌లెక్ష‌న్స్ వ‌సూలు చేస్తూ స‌రికొత్త రికార్డ్స్ క్రియేట్ చేస్తుంది. ఇప్ప‌టి వ‌ర‌కు యు.ఎస్ లో 9.5 కోట్లు వ‌సూలు చేసిన‌ట్టు బాలీవుడ్ సినీ విమ‌ర్శ‌కుడు త‌ర‌ణ్ ఆద‌ర్శ్ ట్వీట్ చేసారు. ఊపిరి ఫుల్ ర‌న్ లో ఇంకెంత క‌లెక్ట్ చేస్తుందో చూడాలి.