50 రోజులు పూర్తి చేసుకున్న ఊపిరి - స్పందించిన నాగార్జున...
- IndiaGlitz, [Friday,May 13 2016]
టాలీవుడ్ కింగ్ నాగార్జున - కోలీవుడ్ హీరో కార్తీ - మిల్కీబ్యూటీ త‌మ‌న్నా కాంబినేష‌న్లో రూపొందిన భారీ మ‌ల్టీస్టార‌ర్ ఊపిరి. తెలుగు, త‌మిళ్ లో పి.వి.పి సంస్థ ప్ర‌తిష్టాత్మ‌కంగా నిర్మించిన ఊపిరి చిత్రం అన్నివ‌ర్గాల ప్రేక్ష‌కుల ఆద‌ర‌ణ‌తో విజ‌య‌వంతంగా 50 రోజులు పూర్తి చేసుకుంది.
వంశీ పైడిప‌ల్లి ఈ చిత్రాన్ని ప్ర‌తి ఒక్క‌రి మ‌న‌సును క‌దిలించేలా అద్భుతంగా తెర‌కెక్కించారు. ఊపిరి 50 రోజులు పూర్తి చేసుకున్న సంద‌ర్భంగా కింగ్ నాగార్జున ట్విట్ట‌ర్ లో...ఊపిరి ఓ అంద‌మైన చిత్రం. ఓ మంచి చిత్రం చేసామ‌ని గ‌ర్వ‌ప‌డేలా ఊపిరి చిత్రం రూపొంద‌డానికి కార‌కులైన ప్ర‌తి ఒక్క‌రికీ థ్యాంక్స్ అంటూ స్పందించారు. సంక్రాంతికి సోగ్గాడు చిన్ని నాయ‌నా...స‌మ్మ‌ర్ లో ఊపిరి..ఈ రెండు చిత్రాల‌తో 100 కోట్లకు పైగా షేర్ సాధించి స‌రికొత్త రికార్డ్ సృష్టించారు సెల్యూలాయిడ్ సైంటిస్ట్ నాగార్జున.