முன்னாள் முதல்வர் ஜெயலலிதா மறைவினாலும், திமுக தலைவர் கருணாநிதியின் உடல்நலக்குறைவாலும் தமிழக அரசியலில் ஏற்பட்டுள்ள வெற்றிடத்தை தன்னால் நிரப்ப முடியும் என்று கடந்த சில மாதங்களுக்கு முன் ரஜினி விழா ஒன்றில் பேசினார். அதேபோல் சமீபத்தில் பேட்டியளித்த துக்ளக் ஆசிரியர் குருமூர்த்தியும் ரஜினியால் தமிழக அரசியலில் ஏற்பட்டுள்ள வெற்றிடைத்தை நிரப்ப முடியும் என்று கூறினார்.

ஆனால் இதற்கு அதிமுக அமைச்சர்கள் மற்றும் எதிர்க்கட்சி தலைவர்கள் பதிலடி கொடுத்து வருகின்றனர். இந்த நிலையில் தமிழக அமைச்சர் ஓ.எஸ்.மணியன் நேற்று இதுகுறித்து செய்தியாளர்களிடம் கிண்டலுடன் கூடிய ஒரு கருத்தை கூறியுள்ளார். அவர் கூறியதாவது:

தமிழக அரசியலில் வெற்றிடம் இல்லை. வானத்தில் 36 ஆயிரம் கிலோ மீட்டருக்கு மேலே தான் வெற்றிடம் உள்ளது. நடிகர் ரஜினிகாந்த் அங்கே போனால் வெற்றிடத்தை நிரப்பலாம் என்று அவர் கூறியுள்ளார். ஏற்கனவே முதல்வர் எடப்பாடி பழனிசாமி, அமைச்சர்கள் ஜெயகுமார், செல்லூர் ராஜூ ஆகியோர் ரஜினியை விமர்சனம் செய்து வரும் நிலையில் தற்போது அமைச்சர் ஒ.எஸ்.மணியன் அவர்களும் அவரை விமர்சித்துள்ளார். ஆனால் இந்த விமர்சனங்களுக்கு வழக்கம் போல் ரஜினிகாந்த் பதிலளிக்க போவதில்லை என்பது தெரிந்ததே