'బాహుబ‌లి' సీరీస్ త‌రువాత ప్ర‌భాస్ న‌టిస్తున్న చిత్రం 'సాహో'. 'ర‌న్ రాజా ర‌న్' చిత్రంతో ద‌ర్శ‌కుడిగా మంచి మార్కులు తెచ్చుకోవ‌డ‌మే కాకుండా క‌మ‌ర్షియ‌ల్ విజ‌యాన్ని సొంతం చేసుకున్న సుజిత్ ఈ చిత్రానికి ద‌ర్శ‌క‌త్వం వ‌హిస్తున్నాడు. ప్ర‌స్తుతం చిత్రీక‌ర‌ణ ద‌శ‌లో ఉన్న ఈ చిత్రం కోసం.. హీరోయిన్ ని ఎంపిక చేయ‌డానికి చాలా స‌మ‌య‌మే ప‌ట్టింది. ఫైన‌ల్‌గా ఆ పాత్ర‌లో బాలీవుడ్ న‌టి శ్ర‌ద్ధా క‌పూర్ ఫిక్స‌యింద‌ని స‌మాచార‌మ్‌. 'ఆషిఖీ 2' చిత్రంతో బాలీవుడ్‌లో పాపుల‌ర్ అయిన శ్ర‌ద్ధాకి ఇదే తొలి చిత్రం కావ‌డం విశేషం.

గ‌తంలోనూ ఇలాగే ఓ బాలీవుడ్ న‌టి ప్ర‌భాస్ ప‌క్క‌న జోడీక‌ట్టింది. ఆమే కంగ‌నా ర‌నౌత్‌. 'ఏక్ నిరంజ‌న్' చిత్రంలో హీరోయిన్‌గా న‌టించిన కంగనా.. ఆ త‌రువాత మ‌ళ్లీ ఏ తెలుగు చిత్రంలోనూ న‌టించ‌లేదు. ఈ వ‌రుస‌లోనే శ్ర‌ద్ధా కూడా ప్ర‌భాస్‌కే ప‌రిమిత‌మౌతుందా? లేక‌ మ‌రిన్ని తెలుగు చిత్రాలు చేస్తుందా? అనేది ఆస‌క్తిక‌ర‌మైన విష‌యం. చూద్దాం.. ఏం జ‌రుగుతుందో?