தளபதி விஜய் நடிப்பில், இயக்குனர் லோகேஷ் கனகராஜ் இயக்கத்தில், அனிருத் இசையில் உருவான ’மாஸ்டர்’ திரைப்படம் கடந்த பொங்கல் தினத்தில் வெளியான நிலையில் இந்த படத்தின் 25வது வெற்றிநாள் சமீபத்தில் கொண்டாடப்பட்டது என்பது தெரிந்ததே

இந்த நிலையில் திடீரென ’மாஸ்டர்’ படத்தின் ஒரு வருட ஹேஷ்டேக் ஒன்று ட்விட்டர் உள்ளிட்ட சமூக வலைதளங்களில் வைரல் ஆகி வருகிறது. தளபதி விஜய்யின் ’மாஸ்டர்’ திரைப்படத்தின் படப்பிடிப்பு நெய்வேலியில் நடந்த போது அவரைக் காண்பதற்காக கூடியிருந்த ஆயிரக்கணக்கான ரசிகர்கள் முன் செல்பி புகைப்படம் ஒன்றை எடுத்தார். இந்த புகைப்படம் அவரது டுவிட்டரில் பதிவு செய்யப்பட்டவுடன் மிகப்பெரிய அளவில் வைரலானது என்பதும் இந்த புகைப்படம் இந்தியாவிலேயே கடந்த ஆண்டு அதிக ரீடுவிட் செய்யப்பட்ட புகைப்படம் என்ற பெருமையை பெற்றது என்பதும் குறிப்பிடத்தக்கது

இந்த நிலையில் ரசிகர்களுடன் இணைந்து விஜய் எடுத்த செல்பி புகைப்படம் இன்றுடன் ஒரு வருடத்தை நிறைவு செய்கிறது. இதனை அடுத்து ஒரு வருட ’மாஸ்டர்’ செல்பி (#1YearOfMasterSelfie) என்ற ஹேஷ்டேக்கை விஜய் ரசிகர்கள் உருவாக்கி அதனை இந்திய அளவில் டிரெண்ட்டாக்கி உள்ளனர் என்பது குறிப்பிடத்தக்கது