பிக் பாஸ் நிகழ்ச்சியில் கடந்த சில வாரங்களுக்கு முன்னர் ஆறு போட்டியாளர்கள் வைல்ட் கார்டு என்ட்ரியாக வந்த நிலையில், தற்போது மீண்டும் ஒரு போட்டியாளர் உள்ளே வர இருப்பதாகவும், அதேபோல் இன்று வெளியேறும் போட்டியாளர் குறித்த தகவல் கசிந்துள்ளது.

பிக் பாஸ் நிகழ்ச்சி 16 போட்டியாளர்களுடன் தொடங்கப்பட்ட நிலையில், அதன் பின் ரவீந்தர், அர்னவ், தர்ஷா, சுனிதா, ரியா ஆகிய 5 போட்டியாளர்கள் வெளியேறினர். இந்த நிலையில், இந்த வாரம் வர்ஷினி முத்துக்குமரன், ராயன், ஜாக்லின் ஆகிய நான்கு பேர் நாமினேஷன் பட்டியலில் இருந்தனர். அவர்களில் குறைந்த வாக்குகள் பெற்ற வர்ஷினி வெங்கட் வெளியேறியிருப்பதாக தெரிகிறது.

வைல்ட் கார்டு என்ட்ரி மூலம் பிக் பாஸ் நிகழ்ச்சிக்கு வந்த வர்ஷினி, சில வாரங்களில் எலிமினேஷன் செய்யப்பட்டது அனைவருக்கும் அதிர்ச்சியை ஏற்படுத்தியுள்ளது.

இந்த நிலையில், பிக் பாஸ் நிகழ்ச்சியில் இரண்டாவது நபராக எவிக்சன் செய்யப்பட்ட அர்னவ், மீண்டும் ரீஎன்ட்ரி ஆகியிருப்பதாகவும், அதற்கான ஷூட்டிங் நேற்று நடந்ததாகவும் நம்பத்தகுந்த வட்டாரங்களில் இருந்து தகவல் வெளியாகியுள்ளது. அர்னவ் மீண்டும் பிக் பாஸ் வீட்டிற்குள் வரும் காட்சிகள் இன்றைய எபிசோடில் ஒளிபரப்பாகும் என்று கூறப்படுவதால் பரபரப்பு ஏற்பட்டுள்ளது.