தளபதியின் 'மெர்சல்' செய்த மேலும் ஒரு சாதனை
- IndiaGlitz, [Sunday,June 03 2018]
தளபதி விஜய் நடித்த 'மெர்சல்' திரைப்படம் கடந்த ஆண்டு தீபாவளி அன்று வெளியாகி மிகப்பெரிய வெற்றியை உலகம் முழுவதும் அடைந்தது என்பது தெரிந்ததே. இந்த படம் பல்வேறு சாதனைகளை செய்துள்ள நிலையில் தற்போது மேலும் ஒரு சாதனையை புரிந்துள்ளது
தென்னிந்திய சினிமாவில் ஒரு நாளில் அதிகமாக பார்க்கப்பட்ட பட டீஸர், 24 மணி நேரத்தில் 11.21 மில்லியன் பார்வைகளை பெற்ற டீசர், உலக அளவில் மிக விரைவில் 150K லைக்ஸ் பெற்ற டீஸர், தென்னிந்திய சினிமாவில் மிக விரைவில் 50K லைக்ஸ் பெற்ற பட டீஸர், உள்பட பல சாதனைகளை 'மெர்சல்' பெற்றுள்ளது.
இந்த நிலையில் 'மெர்சல்' படத்தில் இடம்பெற்று உலகம் முழுவதும் சூப்பர் ஹிட்டான 'ஆளப்போறான் தமிழன்' என்ற பாடல் தற்போது புதிய சாதனை புரிந்துள்ளது. இந்த பாடல் யூடியூபில் மிகவேகமாக 50 மில்லியன் பார்வையாளர்களை பெற்ற தமிழ்ப்பாடல் என்ற பெருமையை பெற்றுள்ளது. இந்த பாடலுக்கு முன்னால் தனுஷின் 'மாரி' படத்தில் இடம்பெற்ற 'டானு டானு' பாடல் 54 மில்லியன் பார்வையாளர்களை இரண்டு ஆண்டுகளில் பெற்றுள்ளது. ஆனால் 'மெர்சல்' திரைப்படத்தின் 'ஆளப்போறான் தமிழன்' பாடல் ஆறே மாதங்களில் 50 மில்லியன் பார்வையாளர்களை பெற்றுள்ளது என்பது குறிப்பிடத்தக்கது. இன்னும் ஒருசில மாதங்களில் இந்த பாடல் முதலிடத்தை பிடிக்கும் என்று எதிர்பார்க்கப்படுகிறது.