தளபதி விஜய் மிகவும் வருத்தப்பட்டார்.. இன்னொரு சர்ப்ரைஸ் இருக்கு: தயாரிப்பாளர் லலித்..!
- IndiaGlitz, [Friday,October 06 2023]
’லியோ’ படத்தின் இசை வெளியீட்டு விழா ரத்தானதால் தளபதி விஜய் மிகவும் வருத்தப்படுவதாகவும் எனவே இந்த படத்தின் ஒரு புரமோஷன் நிகழ்ச்சியை நடத்த திட்டமிட்டு இருப்பதாகவும் விரைவில் அந்த சர்ப்ரைஸ் அறிவிப்பு வரும் என்றும் ’லியோ’ படத்தின் தயாரிப்பாளர் லலித் அவர்கள் தெரிவித்துள்ளார்.
நேற்று ட்விட்டர் ஸ்பேஸில் ரசிகர்களுடன் உரையாடிய தயாரிப்பாளர் லலித், ‘லியோ படத்தின் இசை வெளியீட்டு விழா ரத்தானதால் தளபதி விஜய் மிகவும் வருத்தத்துடன் இருந்ததாகவும் தனது ரசிகர்களை நேரடியாக சந்திக்க முடியவில்லை என்று கூறியதாகவும் தெரிவித்தார்.
எனவே ’லியோ’ படத்தின் புரமோஷன் நிகழ்ச்சி ஒன்றை நடத்த திட்டமிட்டுள்ளோம் என்றும் விரைவில் அந்த சர்ப்ரைஸ் அறிவிப்பு வெளியாகும் என்றும் கூறினார். இது ரசிகர்களுக்கு மகிழ்ச்சியை ஏற்படுத்தியுள்ளது.
மேலும் அக்டோபர் 15 முதல் ’லியோ’ படத்தின் முன்பதிவு ஆரம்பமாகும் என்று கூறிய அவர், ’லியோ’ படத்தின் ஒவ்வொரு நாளின் பாக்ஸ் ஆபிஸ் ரிப்போர்ட்டுகளை ரெகுலராக கொடுப்போம் என்றும் அவர் தெரிவித்தார்.
உலகம் முழுவதும் சுமார் 30,000 திரையரங்குகளில் வெளியிட திட்டமிடப்பட்டு இருப்பதாகவும் அனைத்து ஏற்பாடுகளும் தயார் நிலையில் உள்ளது என்றும் அவர் கூறினார்.
மேலும் முதல் பாதியின் பின்னணி இசையை அனிருத் முடிந்து விட்டதாகவும் தற்போது இரண்டாவது பாதியின் பின்னணி இசை அமைத்துக் கொண்டிருப்பதாகவும் கூறிய லலித், ஒட்டுமொத்த பணியும் அக்டோபர் 10ஆம் தேதிக்குள் முடிந்துவிடும் என்றும் அவர் கூறினார்.