బ్రేక్ ఇచ్చిన దర్శకుడితో మరోసారి....
- IndiaGlitz, [Sunday,January 01 2017]
హీరో శ‌ర్వానంద్ ఇప్పుడు సెల‌క్ట్ మూవీస్ చేస్తూ మంచి విజ‌యాల‌ను త‌న ఖాతాలో వేసుకుంటున్నాడు. అంద‌రి దృష్టిని త‌న‌వైపు తిప్పుకుంటున్న ఈ యంగ్ హీరో శ‌త‌మానం భ‌వతి సినిమాలో న‌టించాడు. ఈ సినిమా సంక్రాంతికి రానుంది. ఈ సినిమా త‌ర్వాత శ‌ర్వానంద్ మారుతి దర్శకత్వంలో ఓ సినిమా చేస్తున్నాడు.
ఈ సినిమాతో పాటు మ‌రో సినిమా చేయ‌డానికి రెడీ అవుతున్నాడ‌ట. త‌న కెరీర్‌కు ప్ర‌స్థానం వంటి మూవీ బ్రేక్ ఇచ్చిన దర్శకుడు దేవాక‌ట్టా దర్శకత్వంలో శ‌ర్వానంద్ సినిమా చేయ‌బోతున్నాడ‌ని ఫిలింన‌గ‌ర్ స‌మాచారం. డైనమైట్ సినిమా ప్లాప్ త‌ర్వాత దేవాక‌ట్టా మ‌రో సినిమా చేయ‌లేదు. ప్రస్తుతం శ‌ర్వానంద్‌తో సినిమా చేయ‌డానికి దేవాక‌ట్టా రంగం సిద్ధం చేసుకుంటున్నాడట. ప్రస్తుతం చ‌ర్చ‌ల ద‌శ‌లో ఉన్న ఈ సినిమాకు సంబంధించిన వివ‌రాలు త్వ‌ర‌లోనే తెలుస్తాయి.