మళ్ళీ సయేషాతోనే....?
- IndiaGlitz, [Wednesday,February 22 2017]
అక్కినేని మూడో త‌రం నుండి హీరోగా ప‌రిచ‌య‌మైన వారిలో అఖిల్ ఒక‌డు. త‌న పేరు అఖిల్ తోనే వినాయ‌క్ దర్శకత్వంలో తెలుగు తెర‌కు హీరోగా ప‌రిచ‌యం అయ్యాడు. అయితే అఖిల్ చిత్రం బాక్సాఫీస్ వ‌ద్ద ప్లాప్ టాక్‌ను మూట గ‌ట్టుకుంది. దీంతో అఖిల్ త‌న నెక్ట్స్ మూవీని వెంట‌నే స్టార్ట్ చేయలేదు. మ‌నం ఫేమ్ విక్ర‌మ్ కుమార్ ద‌ర్శ‌క‌త్వంలోనే అఖిల్ త‌న త‌దుప‌రి చిత్రం చేస్తున్నాడు. ఈ సినిమా స్క్రిప్ట్ ఓకే అయ్యింది. ప్రీ ప్రొడ‌క్ష‌న్ ప‌నులు ప్రారంభం అయ్యాయి.
అఖిల్ స‌ర‌స‌న మేఘ ఆకాష్ ఓ హీరోయిన్‌గా న‌టిస్తుంది. మ‌రో హీరోయిన్‌గా ఎవ‌రినీ తీసుకోవాల‌ని చాలా మందిని యూనిట్ ప‌రిశీలించినా చివ‌ర‌కు అఖిల్‌తో స‌యేషానే పేరును ప‌రిశీలిస్తున్నార‌ట. స‌యేషా కూడా మంచి ఎంట్రీ కోసం ఎదురుచూస్తున్న ఈ త‌రుణంలో అన్నీ అనుకున్న‌ట్లు కుదిరితే అఖిల్‌తో స‌యేషా మ‌రోసారి హీరోయిన్‌గా న‌టిస్తుంది.