రవితేజ‌తో మ‌రోసారి...
- IndiaGlitz, [Wednesday,October 11 2017]
వీర, సారొచ్చారు సినిమాలు తర్వాత మాస్ మ‌హారాజా ర‌వితేజ, కాజ‌ల్ అగ‌ర్వాల్ కాంబినేష‌న్‌లో మ‌రో సినిమా రానుంది. ఆ సినిమా మ‌రేదో కాదు భోగ‌న్ రీమేక్‌. త‌మిళ సినిమా భోగ‌న్‌లో జ‌యం ర‌వి హీరో కాగా అర‌వింద‌స్వామి విల‌న్‌, హ‌న్సిక హీరోయిన్‌గా న‌టించారు. ల‌క్ష్మ‌ణ్ ద‌ర్శ‌కుడు. ఇప్పుడు ల‌క్ష్మ‌ణ్ ద‌ర్శ‌క‌త్వంలోనే ర‌వితేజ హీరోగా ఈ సినిమా చేస్తున్నాడు.
అర‌వింద‌స్వామి విలన్‌గా న‌టిస్తున్నాడు. హీరోయిన్‌గా ముందు క్యాథ‌రిన్‌ను అనుకున్నారు. కానీ ఇప్పుడేం జ‌రిగిందో కార‌ణాలు తెలియ‌డం లేదు కానీ, క్యాథ‌రిన్ స్థానంలో కాజ‌ల్ అగ‌ర్వాల్ నటించ‌నుంద‌ని విశ్వ‌స‌నీయ వ‌ర్గాల స‌మాచారం. వీర, సారొచ్చారు ర‌వితేజ‌కు ఓ మోస్తారు సినిమాలుగానే మిగిలాయి. మ‌రి ఈసారైనా ఈ కాంబినేష‌న్ హిట్ కాంబో అవుతుందేమో చూడాలి.