మళ్లీ బాల‌య్య సినిమాలోనే!
- IndiaGlitz, [Wednesday,July 24 2019]
నంద‌మూరి బాల‌కృష్ణ 105వ చిత్రం త్వ‌ర‌లోనే ప్రారంభం కానుంది. సి.క‌ల్యాణ్ నిర్మాత‌గా కె.ఎస్‌.ర‌వికుమార్ ఈ చిత్రాన్ని తెర‌కెక్కించ‌నున్నారు. ఎప్పుడో ప్రారంభం కావాల్సిన ఈ సినిమా స్క్రిప్ట్‌లో మార్పులు, చేర్పులు కార‌ణంగా ఆస‌ల్య‌మైంది. ఈ సినిమాలో బాల‌య్య స‌ర‌స‌న న‌టించ‌బోయే హీరో్యిన్స్ ఎవ‌ర‌నే దానిపై ప‌లు వార్త‌లు విన‌ప‌డుతున్నాయి.
అయితే లేటెస్ట్ స‌మాచారం ప్ర‌కారం ఈ చిత్రంలో సోనాల్ చౌహాన్ ఓ హీరోయిన్‌గా న‌టించ‌నుంద‌ట. అంతే కాకుండా.. ఈ సినిమాలో సోనాల్ మ‌ధ్య వ‌య‌స్కురాలి పాత్ర‌లో న‌టిస్తుంద‌ని అంటున్నారు. బాల‌కృష్ణ రెండు షేడ్స్ ఉన్న పాత్ర‌లో క‌నిపిస్తార‌ట. అలాగే మెయిన్ విల‌న్‌గా జ‌గ‌ప‌తిబాబు రెండు పాత్ర‌ల్లో క‌నిపిస్తార‌ని టాక్‌.
బాల‌కృష్ణ‌తో సోనాల్ చౌహాన్ ఇది వ‌ర‌కు లెజెండ్, డిక్టేట‌ర్ చిత్రంలో న‌టించింది. కొన్ని రోజులుగా సోనాల్‌కు తెలుగులో అవ‌కాశాలే రాలేదు. ఇలాంటి త‌రుణంలో ఇప్పుడు మళ్లీ బాల‌య్య సినిమాతోనే తెలుగులోకి అడుగుపెడుతుంది.