గ‌త ఏడాది విడుద‌లైన ప్ర‌తిరోజూ పండ‌గే చిత్రంతో త‌న కెరీర్ బెస్ట్ హిట్‌ను అందుకున్నాడు సాయితేజ్. ఇప్పుడు ఈ మెగాక్యాంప్ హీరో 'సోలో బ్రతుకే సో బెటర్'లో నటిస్తున్నాడు. యూత్ ఫుల్ ఎంటర్ టైనర్ గా తెరకెక్కుతున్న ఈ సినిమా మే 1న రిలీజ్ కానుంది. ఈ సినిమా పూర్తి కాకుండానే మ‌రో రెండు కొత్త చిత్రాలకు గ్రీన్ సిగ్నల్ ఇచ్చాడట సాయితేజ్. వాటిలో ఒకటి దేవా కట్టా దర్శకత్వంలో తెరకెక్కనుండగా... మరొకటి వీరు పోట్ల డైరెక్షన్ లో రూపొందనుంద‌ని టాక్‌. ఈ రెండింటిలో దేవా కట్టా సినిమానే ముందుగా సెట్స్ పైకి వెళుతుందని తెలిసింది. అంతేకాదు... ఇందులో కథానాయికగా త‌మిళ పొన్ను నివేదా పేతురాజ్ ఎన్నికైంద‌ని వార్త‌లు విన‌ప‌డుతున్నాయి.

సాయితేజ్‌తో కలసి నటించడం నివేదా పేతురాజ్ కి ఇదే తొలిసారి కాదు. ఇప్పటికే చిత్రలహరిలో న‌టించింది. కాకపోతే.. ఆ సినిమాలో తనది నాయిక పాత్ర కాదు. కానీ, మెసెజ్ ఓరియెంటెడ్ మూవీగా రూపొందనున్న దేవా కట్టా చిత్రంలో మాత్రం నివేదానే లీడింగ్ లేడీ అట. మెగా కాంపౌండ్‌లో నివేదా నటించిన 'చిత్రలహరి', 'అల వైకుంఠపురములో' మంచి ఫలితాలనే అందుకున్న నేపథ్యంలో... కొత్త చిత్రం కూడా అదే బాట పడుతుందేమో చూడాలి.