మహేష్ సినిమాలో మ‌రోసారి..
- IndiaGlitz, [Wednesday,June 27 2018]
సూపర్ స్టార్ మహేష్ బాబు, ఉత్త‌రాది భామ పూజా హెగ్డే జంటగా ఓ సినిమా రూపొందుతున్న సంగ‌తి తెలిసిందే. వంశీ పైడిపల్లి దర్శకత్వం వహిస్తున్న ఈ సినిమాకి టాలీవుడ్ రాక్‌స్టార్ దేవీశ్రీ ప్రసాద్ సంగీతం అందిస్తున్నారు. సి.అశ్వ‌నీద‌త్‌, దిల్ రాజు నిర్మాత‌లు. అమెరికా బ్యాక్ డ్రాప్‌లో తెరకెక్కుతున్న ఈ చిత్రం.. ప్రస్తుతం డెహ్రాడున్‌లో తొలి షెడ్యూల్‌ను జ‌రుపుకుంటోంది.
ఇదిలా ఉంటే.. ఈ సినిమా కోసం సంద‌ర్భానుసారం సాగే ఓ ప్ర‌త్యేక గీతాన్ని ప్లాన్ చేస్తోంద‌ట చిత్ర బృందం. సినిమా సెకండ్ హాఫ్‌లో వ‌చ్చే ఈ ఐటమ్ సాంగ్‌కు ఇప్పటికే ఓ మంచి మాస్ బీట్‌ను దేవిశ్రీ సమకూర్చినట్టు సమాచారం.
ఓ స్టార్ హీరోయిన్ నర్తించే ఈ పాటకు సంబంధించి మరిన్ని వివరాలు త్వరలోనే వెల్లడి కానున్నాయి. .'పోకిరి', 'అతిథి', 'దూకుడు', 'బిజినెస్ మాన్', '1 నేనొక్కడినే', 'ఆగడు'.. ఇలా మహేష్ సినిమాల్లో దాదాపు ఐటమ్ సాంగ్స్ అన్నీ బాగా క్లిక్ అయ్యాయి. ఈ పాట కూడా అదే బాట‌లో వెళుతుందేమో చూడాలి.