టాలీవుడ్ వివాదం : సి కళ్యాణ్ మరో ఆసక్తికర విషయం!
- IndiaGlitz, [Friday,May 29 2020]
సీనియర్ నటుడు, టీడీపీ ఎమ్మెల్యే నందమూరి బాలకృష్ణ వివాదం ఇప్పట్లో ముగిసేలా లేదు. ఇవాళ కరోనా క్రైసిస్ చారిటీకి సంబంధించిన సభ్యులు.. మెగాస్టార్ చిరంజీవి ఇంట్లో భేటీ అయ్యారు. ఈ సందర్భంగా రెండో విడతలో సినీ కార్మికులు చేయాల్సిన సాయం విషయంపై చర్చించడంతో పాటు .. బాలయ్య వ్యాఖ్యలపై చర్చించినట్లు వార్తలు వస్తున్నాయి. ఈ భేటీ అనంతరం పలువురు మీడియాతో మాట్లాడి కొన్ని కొన్ని కొత్త విషయాలు.. ఆసక్తికర అంశాలు, సీక్రెట్స్ చెప్పారు.
తెలంగాణ సీఎం కేసీఆర్ చెప్పినట్లే మెగాస్టార్ చిరంజీవి, అక్కినేని నాగార్జున టాలీవుడ్ వ్యవహారాలను లీడ్ చేస్తున్నారని ప్రముఖ నిర్మాత సి. కళ్యాణ్ మీడియా ముఖంగా వెల్లడించారు. వాస్తవానికి ఇప్పటి వరకూ జరిగిన ప్రతి విషయంలోనూ చిరు, నాగ్ ఇద్దరూ కలిసి అడుగులేశారు కానీ.. సీఎం వీరిద్దర్నీ లీడ్ తీసుకోవాలని చెప్పిన విషయం ఎక్కడా బయటికి రాలేదు. తాజాగా ఈ విషయాన్ని నిర్మాత చెప్పారు. అందుకే వాళ్లు ఇవాళ కూడా సమావేశానికి వచ్చారని ఆయన అన్నారు. అసలు బాలయ్య రియల్ ఎస్టేట్ అనే పదం ఎందుకు వాడారో అర్థం కావట్లేదన్నారు. నిర్మాతలు, దర్శకులు మాట్లాడుకునే సమావేశాలు జరిగాయన్నారు.