మరోసారి జంటగా..
- IndiaGlitz, [Saturday,April 13 2019]
ఏ మాయ చేసావెతో సినిమాలో మంచి జంటగా పేరు తెచ్చుకున్న నాగ‌చైతన్య, సమంత.. ఆ తర్వాత కొన్ని సినిమాల్లో కలిసి నటించారు. నిజ జీవితంలో వివాహ బంధం ఒక్కటయ్యారు. పెళ్లి తర్వాత మళ్ళీ కలిసి నటించిన చిత్రం 'మ‌జిలీ'.
ఈ సినిమా ఘనవిజయం సాధించడమే కాకుండా కలెక్షన్ల పరంగా కూడా మంచి టాక్ సంపాదించుకుంది. ఈ విజయం అందించిన ఉత్సాహంతో ఈ జంట మరో సినిమా చేసేందుకు సిద్ధవువుతున్నారని తెలిసింది.
వచ్చే ఏడాది చై, సామ్ కలిసి నటించే సినిమా సెట్స్ పైకి వెళ్లే అవకాశం కనిపిస్తోంది. అయితే అది ఏ సినిమా, దర్శకుడు ఎవరు, ఏ బేనర్‌లో ఈ సినిమా రూపొందనుంది అనే విషయాలు తెలియాల్సి ఉంది.