ஜல்லிக்கட்டுக்காக சென்னை மெரீனாவில் நடந்த இளைஞர்களின் போராட்டம் உலகமே வியக்க்கும் வகையில் நடந்தது. அனேகமாக தமிழகத்தில் வெற்றி பெற்ற ஒரே போராட்டம் என்று இதனை கூறலாம். இந்த போராட்டத்தை கண்டு அதிர்ந்த அன்றைய தமிழக முதல்வர் ஓ.பன்னீர்செல்வம் உடனடியாக டெல்லிக்கு சென்று அங்கேயே தங்கியிருந்து ஜல்லிக்கட்டு தடைக்கான அனைத்து சட்ட நடவடிக்கைகளையும் மேற்கொண்டார்

ஆனால் அதன் பின்னர் மேலும் ஒரு மெரீனா போராட்டம் நடைபெறாத வகையில் போலீசார் அறிவுறுத்தப்பட்டனர். விவசாயிகள் பிரச்சனை, நெடுவாசல் பிரச்சனைக்காக மெரினாவில் இளைஞர்கள் கூடியபோது ஆரம்பத்திலேயே அவர்களை போலீசார் அப்புறப்படுத்தினர்

இந்த நிலையில் தற்போது தமிழகத்தில் காவிரி மேலாண்மை வாரியம் பிர்ச்சனை, தேனி நியூட்ரியோனா பிரச்சனை, ஸ்டெர்லைட் பிரச்சனை உள்பட பல பிரச்சனைகளுக்காக போராட்டங்கள் உச்சகட்டத்தில் நடந்து வருவதால் இன்று மாலை ஒருசில இளைஞர்கள் மெரினாவிலும் போராட்டம் நடத்தவுள்ளதாக போலீசாருக்கு தகவல்கள் வந்தது. இதனையடுத்து உடனடியாக மெரினாவில் போலீசார் குவிக்கப்பட்டுள்ளனர். கோடை வெயிலில் இருந்து தப்பிக்க காற்று வாங்க வரும் பொதுமக்களளயும் போலீசார் சந்தேகக்கண்களுடன் பார்த்து வருவதால் மெரினாவில் பரபரப்பு ஏற்பட்டுள்ளது.