రాజు గారి గ‌ది విజ‌యం ఖాయం - డైరెక్ట‌ర్ ఓంకార్
- IndiaGlitz, [Wednesday,October 21 2015]
జీనియ‌స్ చిత్రంతో ద‌ర్శ‌కుడిగా ప‌రిచ‌య‌మైన ఓంకార్ తాజాగా తెర‌కెక్కించిన చిత్రం రాజు గారి గ‌ది. ఈ చిత్రంలో ఓంకార్ త‌మ్ముడు అశ్విన్ బాబు, ధ‌న్య బాల‌క్రిష్ణ, చేత‌న్ ప్ర‌ధాన పాత్ర‌లు పోషించారు. ఓఎకె ఎంట‌ర్ టైన్మెంట్ ప్రై లిమిటెడ్ బ్యాన‌ర్ పై రూపొందిన రాజు గారి గ‌ది చిత్రాన్ని ద‌స‌రా కానుక‌గా ఈనెల 22న రిలీజ్ చేస్తున్నారు.
ఈ సంద‌ర్భంగా ఏర్పాటు చేసిన మీడియా మీట్ లో డైరెక్ట‌ర్ ఓంకార్ మాట్లాడుతూ...వినాయ‌క‌చ‌వితి రోజు ఈ సినిమా టీజ‌ర్ రిలీజ్ చేసాం. టీజ‌ర్ కి అనూహ్య స్పంద‌న రావ‌డంతో వెంట‌నే బిజినెస్ అయిపోయింది. వారాహి చ‌ల‌న‌చిత్ర బ్యాన‌ర్ సాయి కొర్ర‌పాటి గారు, ఎ.కె.ఎంట‌ర్ టైన్మెంట్స్ అనిల్ సుంక‌ర్ గారు మా సినిమాని తీసుకోవ‌డం చాలా ఆనందంగా ఉంది. ఈ సినిమా షూటింగ్ ప్రారంభించ‌కుండానే క‌థ విని నిమ్మ‌గ‌డ్డ ప్ర‌సాద్ గారు శాటిలైట్ రైట్స్ తీసుకుని న‌న్ను ఎంత‌గానో ప్రొత్స‌హించారు. ఈ సినిమాలో నా త‌మ్ముడు అశ్విన్ బాబు మెయిన్ రోల్ లో న‌టించాడు. ఈ సినిమా అంద‌రికీ న‌చ్చుతుంది. త‌మ్ముడు అశ్విన్ బాబును ఆశ్వీర‌దించాల‌ని కోరుకుంటున్నాను అన్నారు.
హీరోయిన్ పూర్ణ మాట్లాడుతూ...ఈ సినిమాను సాయి కొర్ర‌పాటి, అనిల్ సుంక‌ర గారు తీసుకోవ‌డం సంతోషంగా ఉంది. సినిమా ఆద్యంతం ఆసక్తిగా ఉంటుంది. ష‌క‌ల‌క శంక‌ర్, స‌ప్త‌గిరి కామెడీ స‌న్నివేశాలు క‌డుపుబ్బా న‌వ్విస్తాయి. తెలుగు, త‌మిళ్ లో మంచి సినిమాల్లో న‌టిస్తున్నందుకు హ్యాఫీగా ఫీల‌వుతున్నాను అన్నారు.
ఈ సినిమాలో న‌టించిన చేత‌న్, ధ‌న్య బాల‌క్రిష్ణ, మ్యూజిక్ డైరెక్ట‌ర్ సాయి కార్తీక్ త‌దిత‌రులు రాజు గారి గ‌ది విజ‌యం సాధిస్తుంద‌ని ఆశాభావం వ్య‌క్తం చేసారు.