వేంకటేశుని ఆశీస్సులతో నిర్విఘ్నంగా ఓం నమో వేంకటేశాయ..!
- IndiaGlitz, [Friday,September 23 2016]
న‌వ‌ర‌స స‌మ్రాట్ నాగార్జున - ద‌ర్శ‌కేంద్రుడు రాఘ‌వేంద్ర‌రావు కాంబినేష‌న్లో రూపొందుతున్న భ‌క్తిర‌స చిత్రం ఓం నమో వేంకటేశాయ. ఈ చిత్రాన్ని సాయికృపా ఎంట‌ర్ టైన్మెంట్స్ ప్రై లిమిటెడ్ బ్యాన‌ర్ పై మ‌హేష్ రెడ్డి నిర్మిస్తున్నారు. వెంక‌టేశ్వ‌ర‌స్వామి భ‌క్తుడు హ‌థీరామ్ బాబా జీవిత క‌థ ఆధారంగా ఈ చిత్రాన్ని రూపొందిస్తున్నారు.
ఈ చిత్రంలో వేంకటేశ్వరస్వామిగా సౌరబ్‌జైన్‌ నటిస్తుండగా, హ‌ధీరామ్ బాబాగా నాగార్జున న‌టిస్తున్నారు. అందాల తార‌లు అనుష్క, ప్ర‌గ్యా జైస్వాల్ ముఖ్య పాత్ర‌లు పోషిస్తున్నారు. హైద‌రాబాద్ లో వ‌ర్షాలు ప‌డుతున్న‌ప్ప‌టికీ ఆ వేంకటేశుని ఆశీస్సులతో ఎలాంటి ఆటంకం లేకుండా ఓం నమో వేంకటేశాయ షూటింగ్ జ‌రుగుతుంది. ఈ సంద‌ర్భంగా ఓం నమో వేంకటేశాయ టీమ్ త‌మ ఆనందాన్ని తెలియ‌చేస్తూ...వ‌ర్కింగ్ స్టిల్స్ రిలీజ్ చేసారు. నాగార్జున త‌మ షూటింగ్ కి ఎలాంటి ఆటంకం క‌లిగించ‌నందుకు సంతోషం వ్య‌క్తం చేస్తూ ఆ శ్రీనివాసుడుకి ధ‌న్య‌వాదాలు తెలియ‌చేస్తున్న‌ట్టుగా ఉన్న స్టిల్స్ రిలీజ్ చేయ‌డం విశేషం. శ‌ర‌వేగంగా షూటింగ్ జ‌రుపుకుంటున్న ఓం నమో వేంకటేశాయ చిత్రాన్ని సంక్రాంతి కానుక‌గా రిలీజ్ చేయాల‌నుకుంటున్నారు..!