ఓం న‌మో వేంక‌టేశాయ నాగార్జున ప్రీ లుక్ రిలీజ్..!
- IndiaGlitz, [Wednesday,August 17 2016]
న‌వ‌ర‌స స‌మ్రాట్ నాగార్జున - ద‌ర్శ‌కేంద్రుడు రాఘ‌వేంద్ర‌రావు కాంబినేష‌న్లో రూపొందుతున్న అధ్యాత్మిక చిత్రం ఓం న‌మో వేంక‌టేశాయ. ఈ చిత్రాన్ని శిరిడి సాయి చిత్ర నిర్మాత మ‌హేష్ రెడ్డి నిర్మిస్తున్నారు. ఈ చిత్రంలో అనుష్క, ప్ర‌గ్యా జైస్వాల్ ముఖ్య‌పాత్ర‌లు పోషిస్తున్నారు. ఈ చిత్రం గ‌త నెల 2 నుంచి నెలాఖ‌రు వ‌ర‌కు హైద‌రాబాద్ లో షూటింగ్ జ‌రుపుకుంది. ప్ర‌స్తుతం క‌ర్నాట‌క‌లోని చిక్ మంగుళూరులో నాగార్జున మ‌రి కొంత మంది పై కీల‌క స‌న్నివేశాలు చిత్రీక‌రిస్తున్నారు.
ఇదిలా ఉంటే...ఈ చిత్రానికి సంబంధించిన ఒక్కో లుక్ రిలీజ్ చేస్తున్న ఓం న‌మో వేంక‌టేశాయ టీమ్ తాజాగా నాగార్జున ప్రీ లుక్ రిలీజ్ చేసారు. ఇందులో శంఖు చ‌క్ర దండ‌ధారి అక్కినేని నాగార్జున ఫ‌స్ట్ లుక్ రిలీజ్ త్వ‌ర‌లో అంటూ వీడియో రిలీజ్ చేసారు. నాగార్జున పుట్టిన‌రోజు కానుక‌గా ఈనెల 29న ఫ‌స్ట్ లుక్ రిలీజ్ చేయ‌నున్న‌ట్టు స‌మాచారం.