ఓం న‌మో వెంక‌టేశాయ లేటెస్ట్ అప్ డేట్..
- IndiaGlitz, [Saturday,July 02 2016]
న‌వ‌ర‌స స‌మ్రాట్ నాగార్జున - ద‌ర్శ‌కేంద్రుడు రాఘ‌వేంద్ర‌రావు కాంబినేష‌న్లో రూపొందుతున్న‌నాలుగ‌వ భ‌క్తిర‌స చిత్రం ఓం న‌మో వెంక‌టేశాయ. ఈ సినిమాని శిరిడి సాయి చిత్రాన్నినిర్మించిన మ‌హేష్ రెడ్డి ప్రతిష్టాత్మకంగా నిర్మిస్తున్నారు. జూన్ 25న పూజా కార్య‌క్ర‌మాల‌తో ప్రారంభ‌మైన ఈ చిత్రం ఈరోజు నుంచి రెగ్యుల‌ర్ షూటింగ్ జ‌రుపుకుంటుంది. అన్న‌పూర్ణ సెవెన్ ఏక‌ర్స్ లో ప్ర‌త్యేకంగా వేసిన తిరుమ‌ల ఆల‌యం సెట్ లో ఈరోజు షూటింగ్ ప్రారంభ‌మైంది.
ఈ ఆల‌యం సెట్ అదిరింది అనేలా ఉంద‌ట. అలాగే అన్న‌పూర్ణ సెవెన్ ఏక‌ర్స్ లోనే థ‌ర్డ్ ఫ్లోర్ లో రాజ‌ద‌ర్బార్ సెట్ వేస్తున్నారు. ఈ రెండు సెట్ ల‌లో దాదాపు 40 రోజులు షూటింగ్ చేయ‌నున్న‌ట్టు స‌మాచారం. ఈ భ‌క్తిర‌స చిత్రాన్ని సంక్రాంతికి రిలీజ్ చేయ‌నున్న‌ట్టు ప్ర‌చారం జ‌రుగుతుంది. అన్న‌మ‌య్య, శ్రీరామ‌దాసు, శిరిడి సాయి...చిత్రాల వ‌లే ఓం న‌మో వెంక‌టేశాయ చిత్రం కూడా అన్నివ‌ర్గాల ప్రేక్ష‌కుల ఆద‌ర‌ణ‌తో అధ్యాత్మిక అద్భుత చిత్రంగా నిలుస్తుంద‌ని ఆశిస్తూ...ఆల్ ది బెస్ట్ టు ఓం న‌మో వెంక‌టేశాయ టీమ్..!