ఓం నమో వేంకటేశాయ తొలి దర్శనం..
- IndiaGlitz, [Thursday,July 28 2016]
న‌వ‌ర‌స స‌మ్రాట్ నాగార్జున - ద‌ర్శ‌కేంద్రుడు రాఘ‌వేంద్ర‌రావు కాంబినేషన్లో రూపొందుతున్న భ‌క్తిర‌స చిత్రం ఓం నమో వేంకటేశాయ. ఈ చిత్రాన్ని శిరిడి సాయి చిత్ర నిర్మాత మ‌హేష్ రెడ్డి నిర్మిస్తున్నారు. ఈ నెల 2 నుంచి అన్న‌పూర్ణ సెవెన్ ఏక‌ర్స్ లో వేసిన సెట్ లో శ‌ర‌వేగంగా షూటింగ్ జ‌రుపుకుంటుంది. ఆగ‌ష్టు 10 నుంచి పూణే స‌మీపంలో షూటింగ్ చేయ‌నున్నారు.
ఇదిలా ఉంటే....ఓం నమో వేంకటేశాయ తొలి దర్శనం అదే ఫ‌స్ట్ లుక్ మరో రెండు రోజుల్లో రిలీజ్ చేసేందుకు ప్లాన్ చేస్తున్నారు. ఈ విష‌యాన్ని ఓం నమో వేంకటేశాయ టీమ్ ట్విట్ట‌ర్ ద్వారా తెలియ‌చేస్తూ..ఓ ఫోటో ను కూడా రిలీజ్ చేసారు. ఈ చిత్రంలో అనుష్క, ప్ర‌గ్యా జైస్వాల్ ముఖ్య‌పాత్రలు పోషిస్తున్నారు. ఈ చిత్రానికి స్వ‌ర‌వాణి కీర‌వాణి సంగీతం అందిస్తున్నారు. శ‌ర‌వేగంగా షూటింగ్ జ‌రుపుకుంటున్న ఈ భ‌క్తిర‌స చిత్రాన్ని అన్నీ అనుకున్న‌ట్టు జ‌రిగితే సంక్రాంతికి రిలీజ్ చేయ‌నున్నారు.