ఓం నమో వేంకటేశాయ ఆడియో వేదిక ఖరారు..!
- IndiaGlitz, [Friday,December 30 2016]
న‌వ‌ర‌స స‌మ్రాట్ నాగార్జున, దర్శకేంద్రుడు కె.రాఘవేంద్రరావు కాంబినేషన్‌లో రూపొందుతున్న నాలుగ‌వ భ‌క్తిర‌స చిత్రం ఓం నమో వేంకటేశాయ. ఈ చిత్రాన్ని సాయికృపా ఎంటర్‌టైన్‌మెంట్‌ ప్రై. లిమిటెడ్‌ పతాకం పై ఎ.మహేష్‌రెడ్డి నిర్మిస్తున్నారు. ఈ చిత్రానికి సంబంధించి విడుదలైన ఫస్ట్‌ లుక్‌కి, మోషన్‌ పోస్టర్ & టీజ‌ర్ కు అనూహ్య‌మైన స్పంద‌న ల‌భించింది.
ఇక స్వ‌ర‌వాణి కీర‌వాణి సంగీతం అందించిన ఆడియోను జనవరి 8న రిలీజ్ చేయ‌నున్న విష‌యం తెలిసిందే. ఆడియో వేడుక‌ను తిరుప‌తిలో చేస్తారేమో అనుకున్నారు. అయితే...తాజా స‌మాచారం ప్ర‌కారం జనవరి 8న హైద‌రాబాద్ లోని హైటెక్స్ లో ఘ‌నంగా ఆడియో వేడుక నిర్వ‌హించేందుకు ఏర్పాట్లు చేస్తున్నార‌ని తెలిసింది. ఈ అథ్యాత్మిక అద్భుతం ఓం నమో వేంకటేశాయ చిత్రాన్ని ఫిబ్ర‌వ‌రి 10న ప్ర‌పంచ వ్యాప్తంగా రిలీజ్ చేయ‌నున్నారు.