'ஓகே கண்மணி'யின் இந்தி டைட்டில் என்ன தெரியுமா?
- IndiaGlitz, [Tuesday,March 01 2016]
மணிரத்னம் இயக்கத்தில் துல்கார் சல்மான், நித்யாமேனன் நடித்த சூப்பர் ஹிட் திரைப்படம் 'ஓகே கண்மணி' இந்த படம் தமிழ் தெலுங்கு என இருமொழிகளிலும் சூப்பர் ஹிட் ஆகிய நிலையில் தற்போது இந்தியில் தயாரிக்கப்பட்டு வருகிறது.
மணிரத்னம் அவர்களின் உதவியாளர் சாஹித் அலி இயக்கி வரும் இந்த படத்தை பாலிவுட்டின் மிகப்பெரிய தயாரிப்பாளர்களில் ஒருவராகிய கரண்ஜோஹர் தயாரிக்கின்றார். ஏ.ஆர்.ரஹ்மான் இசையமைக்கும் இந்த படத்தின் படப்பிடிப்பு விறுவிறுப்பாக நடைபெற்று வரும் நிலையில் தற்போது இந்த படத்தின் டைட்டிலை கரண்ஜோஹர் தனது சமூக வலைத்தளத்தில் அதிகாரபூர்வமாக அறிவித்துள்ளார்.
இந்த படத்திற்கு 'ஓகே ஜானு' என்ற டைட்டில் வைக்கப்பட்டுள்ளது. ஆதித்யாராய் கபூர் , ஷ்ராதா கபூர் நடித்து வரும் இந்த படத்தின் ஃபர்ஸ்ட்லுக்கும் வெளிவந்துள்ளது என்பது குறிப்பிடத்தக்கது.