'தளபதி 61' படக்குழுவினர்களின் அன்பு வேண்டுகோள்
- IndiaGlitz, [Thursday,March 16 2017]
இளையதளபதி விஜய் நடிப்பில் அட்லி இயக்கத்தில் ஆஸ்கார் நாயகன் ஏ.ஆர்.ரஹ்மான் இசையில் உருவாகி வரும் 'விஜய் 61' திரைப்படத்திற்கு மிகப்பெரிய எதிர்பார்ப்பு ஏற்பட்டுள்ளது. மூன்று முக்கிய பிரபலங்கள் இந்த படத்தில் இணைந்துள்ளதால் 'மூன்று முகம்' என்ற டைட்டில் இந்த படத்திற்கு வைக்க வாய்ப்பு இருப்பதாக கூறப்படுகிறது.
இந்நிலையில் இந்த படம் குறித்து ஊடகங்களில் பரபரப்பான செய்திகள் வெளிவந்து கொண்டிருக்கின்றது. இந்த செய்திகளில் பெரும்பாலானவை படக்குழுவினர்களால் ஊர்ஜிதம் செய்யப்படாதவை. எனவே 'தளபதி 61' படக்குழுவினர் ஊடகங்களுக்கு அன்பு வேண்டுகோள் ஒன்றை விடுத்துள்ளனர். இதுகுறித்த பத்திரிகை செய்திக்குறிப்பில் படக்குழுவினர் கூறியுள்ளதாவது:
ஒரு வேண்டுகோள். 'தளபதி 61' மிகுந்த முயற்சியோடும், கடின உழைப்பாலும் உருவாகிக் கொண்டிருக்கும் பெரிய எதிர்பார்ப்பை பெற்றுள்ள படம். தவறான செய்தியாலும், சில வியப்பூட்டும் செய்திகளையும் வெளியிடுவது படத்தை பாதிக்கும் செயல்களாக அமைகிறது. எனவே உரிய தயாரிப்பு நிறுவனத்திடமிருந்து அதிகாரபூர்வ தகவல் இல்லாமல் எந்த ஒரு தகவலையும் தவறாக பரப்ப வேண்டாம், என்று உங்கள் அனைவரிடமும் கேட்டுக் கொள்கிறோம். தளபதியின் ரசிகர்களுக்கு அனேக வியப்பூட்டும் விஷயங்கள் காத்திருக்கின்றன. என்று அந்த செய்திக்குறிப்பில் குறிப்பிடப்பட்டுள்ளது.