அஜித் பிறந்த நாளில் 'எருமைச்சாணி' குழுவினர்களின் ஃபர்ஸ்ட்லுக்
- IndiaGlitz, [Monday,April 30 2018]
எருமைச்சாணி' என்ற பெயரில் உள்ள யூடியூப் சேனலை அனேகமாக தெரியாதவர்கள் இருக்க முடியாது. வித்தியாசமான வீடியோக்கள் பதிவு செய்யப்படும் இதில், ஹரிஜாவின் வீடியோக்கள் இளைஞர்கள் மத்தியில் பெரும் வரவேற்பை பெற்று வருகிறது என்பது தெரிந்ததே.
இந்த நிலையில் 'எருமைச்சாணி' குழுவினர் தற்போது திரைப்படம் ஒன்றை உருவாக்கி வருகின்றனர் என்பதும், இந்த படத்திற்கு 'ஓடவும் முடியாது ஒளியவும் முடியாது' என்ற டைட்டில் வைக்கப்பட்டுள்ளது என்பதையும் ஏற்கனவே பார்த்தோம்.
இந்த நிலையில் இந்த படத்தின் ஃபர்ஸ்ட்லுக் நாளை அதாவது அஜித் பிறந்த நாளான மே 1ஆம் தேதி வெளியாகவுள்ளது. விஜய்குமார், சத்யமூர்த்தி, ஹரிஜா, கோபி உள்பட பலர் நடித்துள்ள இந்த படத்தை ரமேஷ் வெங்கட் இயக்கி வருகிறார். கெளசிக் கிரிஷ் இசையில் உருவாகி வரும் இந்த படம் மிக விரைவில் வெளியாகவுள்ளது.