நடிகை அஞ்சலியின் த்ரில் பட டைட்டில் அறிவிப்பு
- IndiaGlitz, [Saturday,June 16 2018]
பிரபல நடிகை அஞ்சலி இன்று தனது பிறந்த நாளை சிறப்பாக கொண்டாடி வருகிறார். அவருக்கு அவரது ரசிகர்களும், சக கலைஞர்களும் ஊடகங்களும் பிறந்த நாள் வாழ்த்துக்களை தெரிவித்து வருகின்றனர்.
இந்த நிலையில் அஞ்சலி முக்கிய வேடத்தில் நடித்து வரும் த்ரில் படம் ஒன்றின் டைட்டில் அவரது பிறந்த நாளை முன்னிட்டு சற்றுமுன் அறிவிக்கப்பட்டுள்ளது. இந்த படத்தின் டைட்டில் 'ஒ' என்ற ஒரே எழுத்துதான். 'ஒ' படத்தின் டைட்டிலுடன் கூடிய போஸ்டர் சமூக இணையதளங்களில் வெளியாகி வைரலாகி வருகிறது.
அஞ்சலி முக்கிய வேடத்தில் நடிக்கும் இந்த படத்தை பிரவீன் பிக்காட் என்பவர் இயக்கவுள்ளார். அரோல் கரோலி இசையமைக்கும் இந்த படத்தை ஏஜே பிலிம்ஸ் என்ற நிறுவனம் தயாரிக்கவுள்ளது.