యంగ్ టైగ‌ర్ ఎన్టీఆర్ వ‌రుస సినిమాల‌ను అంగీక‌రిస్తున్నాడు. కొత్త కాన్సెప్ట్ మూవీల‌కు ఓటేస్తున్నాడు. ప్రస్తుతం తార‌క్ చేస్తున్న `జై ల‌వ‌కుశ‌` కూడా ఇదే కోవ‌కి వ‌స్తుంది. క‌మ‌ర్షియ‌ల్ ఎలిమెంట్స్‌తో పాటు కాన్సెప్ట్ కే పెద్ద పీట వేస్తున్న ఎన్టీఆర్ త‌దుప‌రి త్రివిక్ర‌మ్ శ్రీనివాస్ ద‌ర్శ‌క‌త్వంలో ఓ సినిమా చేయ‌బోతున్నాడు. అందుకు రంగం సిద్ధం అవుతుంది.

అయితే ఎన్టీఆర్ చంద్ర‌శేఖ‌ర్ యేలేటి ద‌ర్శ‌క‌త్వంలో ఓ సినిమా చేయ‌బోతున్నాడ‌ని స‌మాచారం. ఐతే, సాహ‌సం, మ‌న‌మంతా చిత్రాల‌ను తెర‌కెక్కించిన చంద్ర‌శేఖ‌ర్ యెలేటి రీసెంట్‌గా ఎన్టీఆర్‌ను క‌లిసి ఓ లైన్ వినిపించాడ‌ట‌. లైన్ న‌చ్చ‌డంతో ఎన్టీఆర్ స్టోరీ డెవ‌ల‌ప్ చేయ‌మ‌ని అన్నాడ‌ట‌. అంతా ఓకే అయితే త్రివిక్ర‌మ్ శ్రీనివాస్ సినిమాతో ముగియ‌గానే ఎన్టీఆర్‌, చంద్ర‌శేఖ‌ర్ యేలేటి కాంబినేష‌న్‌లో సినిమా ఉంటుంద‌ట‌. ఎన్టీఆర్ ప్ర‌స్తుతం చేస్తున్న జై ల‌వ‌కుశం సెప్టెంబ‌ర్ 21న విడుద‌ల‌కు సిద్ధ‌మ‌వుతుంది.