యంగ్ టైగ‌ర్ ఎన్టీఆర్ పుట్టిన‌రోజు మే 20. ఈ రోజున ఎన్టీఆర్ అభిమానులకు డ‌బుల్ ట్రీట్ ఇస్తాడ‌ని వార్త‌లు విన‌ప‌డుతున్నాయి. వివ‌రాల్లోకెళ్తే రామ్‌చ‌ర‌ణ్ పుట్టిన‌రోజు సంద‌ర్భంగా రౌద్రం ర‌ణం రుధిరం సినిమా నుండి చ‌ర‌ణ్‌కు సంబంధించిన వీడియో ప్రొమోను అందించిన రాజ‌మౌళి.. ఇప్పుడు మే 20 న తార‌క్ కోసం మ‌రో ప్రొమోను అందించ‌బోతున్నార‌ట‌. అందుకు సంబంధించిన ప‌నులు జ‌రుగుతున్నాయని సినీ వ‌ర్గాల్లో వార్త‌లు విన‌ప‌డుతున్నాయి.

మ‌రో ప‌క్క డైరెక్ట‌ర్ త్రివిక్ర‌మ్ కూడా ఎన్టీఆర్ అభిమానుల‌కు డ‌బుల్ ట్రీట్ ఇవ్వ‌బోతున్నాడ‌ని స‌మాచారం. త్రివిక్ర‌మ్ ద‌ర్శ‌క‌త్వంలో ఎన్టీఆర్ త‌న 30వ చేయ‌బోతున్న సంగ‌తి తెలిసిందే. ఈ సినిమాకు సంబంధించిన లుక్ లేక టైటిల్‌ను విడుద‌ల చేస్తార‌ని వార్త‌లు విన‌ప‌డుతున్నాయి. తొలి చిత్రంలో ఫ్యాక్ష‌న్ లీడ‌ర్‌గా తార‌క్‌ను ఎలివేట్ చేసిన త్రివిక్ర‌మ్ ఈసారి ఎలా పొట్రేట్ చేయ‌బోతున్నాడ‌నేది ఆస‌క్తిక‌రంగా మారింది. ఒక ప‌క్క ఆర్ఆర్ఆర్ ప్రోమో.. మ‌రో ప‌క్క ఎన్టీఆర్ 30 టైటిలో, లుక్కో విడుద‌లైతే మాత్రం ఎన్టీఆర్ ఫ్యాన్స్‌కు పండ‌గే అవుతుంది. మ‌రి ఇద్ద‌రు అగ్ర ద‌ర్శ‌కులు తార‌క్ అభిమానుల‌కు ఎలాంటి ట్రీట్ ఇవ్వ‌నున్నారో తెలియాలంటే మ‌రికొన్ని రోజులు వేచి చూడాల్సిందే.