యువ క‌థానాయ‌కుడు న‌వీన్‌చంద్ర కేవ‌లం హీరోగానే కాకుండా కీల‌క‌మైన పాత్ర‌ల్లోనూ న‌టించ‌డానికి ఆస‌క్తిని చూపుతున్నాడు. అందుకు ఉదాహ‌ర‌ణ అర‌వింద స‌మేత‌. ఎన్టీఆర్‌, త్రివిక్ర‌మ్ కాంబినేష‌న్‌లో వ‌చ్చిన ఈ సినిమాలో న‌వీన్ చంద్ర రాయ‌ల‌సీమ ప్రాంతానికి చెందిన ఫ్యాక్ష‌నిస్ట్ బాల్‌రెడ్డి పాత్ర‌లో న‌టించి మెప్పించాడు. అబ్బాయ్ ఎన్టీఆర్‌తో న‌టించిన న‌వీన్ చంద్ర ఇప్పుడు బాబాయ్ బాల‌య్య సినిమాలోనూ కీల‌క పాత్ర‌లో మెప్పించ‌బోతున్నాడ‌ట‌.

వివ‌రాల్లోకెళ్లే నందమూరి బాల‌కృష్ణ‌, బోయపాటి శ్రీను కాంబినేష‌న్‌లో హ్యాట్రిక్ మూవీ రూపొందుతోన్న సంగ‌తి తెలిసిందే. ఇందులో బాల‌య్య డ‌బుల్ షేడ్ రోల్‌ను పోషిస్తున్నాడు. రీసెంట్‌గా ఈ సినిమా టీజ‌ర్ విడుద‌లై మంచి స్పంద‌న‌ను రాబ‌ట్టుకుంది. ఈ సినిమా ఇప్ప‌టి వ‌ర‌కు ఓ షెడ్యూల్‌ను మాత్ర‌మే పూర్తి చేసుకంది. ఈ చిత్రంలో నవీన్ చంద్ర ఓ పాత్ర‌లో మెప్పిస్తాడ‌ని వార్త‌లు విన‌ప‌డుతున్నాయి. ఈ పాత్రతో న‌వీన్ చంద్ర ప్రేక్ష‌కుల‌ను ఏ మేర మెప్పిస్తారో వేచి చూడాలి. మ‌రి ఈ వార్త‌ల‌పై బోయ‌పాటి అండ్ టీమ్ ఎలా స్పందిస్తుందో వేచి చూడాలి. సింహా,లెజెండ్ వంటి సూప‌ర్‌హిట్‌ చిత్రాల త‌ర్వాత బాల‌కృష్ణ‌, బోయ‌పాటి కాంబినేష‌న్‌లో వ‌స్తున్న చిత్రం కావ‌డంతో సినిమాపై భారీ అంచ‌నాలు నెల‌కొన్నాయి. ఈ చిత్రంలో కొత్త హీరోయిన్ న‌టించ‌నుంది.