తారక్ , త్రివిక్రమ్ మూవీ డిటైల్స్
- IndiaGlitz, [Wednesday,February 07 2018]
యంగ్ టైగర్ ఎన్టీఆర్ క‌థానాయ‌కుడిగా మాట‌ల మాంత్రికుడు త్రివిక్రమ్ ద‌ర్శ‌క‌త్వంలో ఓ భారీ బ‌డ్జెట్ మూవీ తెరకెక్క‌నున్న విషయం తెలిసిందే. ఇటీవలే ఈ సినిమా పూజా కార్య‌క్ర‌మాల‌తో లాంఛ‌నంగా మొద‌లైంది. ప్రస్తుతం ప్రీ-ప్రొడక్షన్ కార్యక్రమాలను జ‌రుపుకుంటున్న ఈ చిత్రం.. వచ్చే నెల రెండో వారం నుండి రెగ్యులర్ షూటింగ్ జరుపుకోనుంద‌ని తెలుస్తోంది. ఓ నవలాధారంగా తెరకెక్కుతున్న ఈ ఫ్యామిలీ ఎంటర్‌టైన‌ర్‌కు అనిరుధ్‌ స్వరాలను అందిస్తున్నాడు.
ఇప్ప‌టికే కొంతమంది కథానాయికల పేర్లను పరిశీలించిన చిత్ర బృందం.. త్వరలోనే క‌థానాయిక వివరాలు వెల్లడించనుంది. నవలాధారంగా తీసుకున్న కథను త్రివిక్రమ్ చాలా పగడ్బందీగా రాసుకున్నారని...అలాగే ఆయన మార్కు కామెడీ, డైలాగ్స్ ఉండబోతున్నాయని స‌మాచారం. జై లవ కుశ' తర్వాత ఎన్టీఆర్ నటిస్తున్న సినిమా కావడంతో ఈ చిత్రంపై మంచి అంచనాలే ఉన్నాయి. ఈ సినిమాను హారిక అండ్ హాసిని క్రియేష‌న్స్‌ పతాకంపై ఎస్.రాధాకృష్ణ నిర్మించనున్నారు. విజ‌య‌ద‌శ‌మికి ఈ చిత్రం విడుద‌ల‌య్యే అవ‌కాశ‌ముంది.