తార‌క్‌, త్రివిక్రమ్ చిత్రానికి కంపోజింగ్ మొద‌లైంది
- IndiaGlitz, [Tuesday,March 27 2018]
యంగ్ టైగ‌ర్ ఎన్టీఆర్, ఏస్ డైరెక్టర్ త్రివిక్రమ్ శ్రీనివాస్ కాంబినేష‌న్‌లో ఓ సినిమా తెరకెక్కబోతున్న విషయం తెలిసిందే. ఈ సినిమాలో తార‌క్‌కు జోడీగా పూజా హెగ్డే న‌టించ‌నుంది. ఈ చిత్రాన్ని హారికా అండ్ హాసిని క్రియేషన్స్ పతాకంపై ఎస్.రాధాకృష్ణ నిర్మిస్తున్నారు. ఏప్రిల్ 12 నుంచి సెట్స్ పైకి వెళ్లనున్న ఈ చిత్రంలో ఎన్టీఆర్ కండలు తిరిగిన దేహంతో కనపడనున్నారు. ఇప్ప‌టికే దీనికి సంబంధించిన కసరత్తులు కూడా ఎన్టీఆర్ ప్రారంభించారు.
అలాగే త్రివిక్రమ్ కూడా ఎన్టీఆర్ కోసం ఓ అద్భుతమైన పాత్రను డిజైన్ చేసారని సమాచారం. ఇదిలా ఉంటే.. త్రివిక్రమ్ సినిమాకి తొలిసారి సంగీతమందిస్తున్న తమన్.. ఈ సినిమా కోసం ఇప్ప‌టికే మ్యూజిక్ కంపోజ్‌ కూడా ప్రారంభించినట్టు ట్విట్టర్ ద్వారా తెలియజేశారు. ఆగష్టు లేదా సెప్టెంబర్ కల్లా షూటింగ్ మొత్తం పూర్తి చేసి.. విజ‌య‌ద‌శ‌మి కానుకగా ఈ చిత్రాన్ని ప్రేక్షకుల ముందుకు తీసుకురావ‌డానికి దర్శక నిర్మాతలు ప్లాన్ చేస్తున్నారు. కాగా, ఈ చిత్రానికి 'ఆన్ సైలెంట్ మోడ్' అనే టైటిల్ ప‌రిశీల‌న‌లో ఉంద‌ని సమాచారం.