పులితో యంగ్ టైగర్ ఎన్టీఆర్ ఫైట్?
- IndiaGlitz, [Tuesday,September 10 2019]
'బాహుబ‌లి' త‌ర్వాత ద‌ర్శ‌క ధీరుడు ఎస్‌.ఎస్‌.రాజ‌మౌళి ద‌ర్శ‌క‌త్వంలో రూపొందుతోన్న భారీ చిత్రం 'RRR'. దాదాపు రూ.300కోట్ల‌కుపై బ‌డ్జెట్‌తో సినిమాను నిర్మాత డి.వి.వి.దాన‌య్య నిర్మిస్తున్నారు. 1920 బ్యాక్‌డ్రాప్‌లో ఉన్న అల్లూరి సీతారామ‌రాజు, కొమురం భీమ్ పాత్ర‌ల మధ్య జ‌రిగే క‌ల్పిత‌గాథ ఈ సినిమా. ప్ర‌స్తుతం సినిమా శ‌ర‌వేగంగా చిత్రీక‌ర‌ణ‌ను జ‌రుపుకుంటోంది. ఈ ప్రెస్టీజియ‌స్ సినిమాలో టాలీవుడ్ టాప్ హీరోలైన యంగ్ టైగర్ ఎన్టీఆర్ కొమురం భీమ్ పాత్ర‌లో.. అ్ల‌లూరి సీతారామ‌రాజుగా మెగాప‌వ‌ర్ స్టార్ రామ్‌చ‌ర‌ణ్ న‌టిస్తున్నారు.
ప్ర‌స్తుతం బ‌ల్గేరియాలో ఎన్టీఆర్‌పై స‌న్నివేశాల చిత్రీక‌ర‌ణ జ‌రుగుతోంది. ఇంట్ర‌డ‌క్ష‌న్ స‌న్నివేశాలు స‌హా యాక్ష‌న్ స‌న్నివేశాల‌ను కూడా చిత్రీక‌రిస్తున్నార‌ట. యాక్ష‌న్‌లో భాగంగా పులి, ఎన్టీఆర్‌కు మధ్య ఫైట్ ఉంటుంద‌నే వార్త‌లు విన‌ప‌డుతున్నాయి. ఇందులో నిజానిజాల సంగ‌తి ఏమో కానీ.. నిజంగా ఉంటే మాత్రం టైగర్, యంగ్‌టైగ‌ర్ మధ్య ఫైట్‌ను అభిమానులు, ప్రేక్ష‌కులు ఎంజాయ్ చేస్తార‌న‌డంలో సందేహం లేదు.
బాలీవుడ్ హీరో అజ‌య్ దేవ‌గ‌ణ్, కోలీవుడు న‌టుడు, ద‌ర్శ‌కుడు స‌ముద్ర‌ఖ‌ని కీల‌క పాత్ర‌ల్లో న‌టిస్తుండ‌గా.. రామ‌రాజు జోడి సీత పాత్ర‌లో బాలీవుడ్ బ్యూటీ ఆలియా భ‌ట్ న‌టిస్తుంది. ఎన్టీఆర్ స‌ర‌స‌న హీరోయిన్‌గా ఎమ్మారాబ‌ర్ట్స్ న‌టిస్తుంద‌ని స‌మాచారం. ఇద్ద‌రు విప్ల‌వ నాయ‌కుల‌కు సంబంధించిన క‌ల్పిత‌గాథే ఈ చిత్రం. 'బాహుబ‌లి' త‌ర్వాత రాజ‌మౌళి డైరెక్ట్ చేస్తోన్న చిత్రం కావ‌డంతో అంద‌రిలో సినిమా గురించి ఆస‌క్తి నెల‌కొంది. వ‌చ్చే ఏడాదిజూలై 30న సినిమాను విడుద‌ల చేయ‌డానికి ప్లాన్ చేశారు.