జనతా గ్యారేజ్ రిజల్ట్ పై ఎన్టీఆర్ రియాక్షన్..!
- IndiaGlitz, [Thursday,September 01 2016]
యంగ్ టైగర్ ఎన్టీఆర్ - మోహ‌న్ లాల్ కాంబినేషన్లో కొరటాల శివ తెర‌కెక్కించిన జనతా గ్యారేజ్ ఈరోజు ప్ర‌పంచ వ్యాప్తంగా రిలీజైంది. టెంప‌ర్, నాన్న‌కు ప్రేమ‌తో...వరుస విజ‌యాల త‌ర్వాత ఎన్టీఆర్ న‌టించిన సినిమా కావ‌డం, అలాగే మిర్చి, శ్రీమంతుడు త‌ర్వాత కొరటాల శివ తెర‌కెక్కించిన సినిమా కావ‌డంతో జనతా గ్యారేజ్ పై భారీ అంచ‌నాలు ఏర్ప‌డ్డాయి.
అయితే...జనతా గ్యారేజ్ కి ఆశించిన స్ధాయిలో టాక్ రాలేదు. మిశ్ర‌మ స్పంద‌న ల‌భిస్తుంది. అయితే...జనతా గ్యారేజ్ రిజల్ట్ గురించి ఎన్టీఆర్ ట్విట్ట‌ర్ లో స్పందిస్తూ...జనతా గ్యారేజ్ గురించి అన్నిచోట్లా నుంచి మంచి రిపోర్ట్స్ వింటున్నాను. కొరటాల శివ లేకుండా జనతా గ్యారేజ్ సాధ్య‌మ‌య్యేది కాదు అంటూ కొర‌టాల‌కు థ్యాంక్స్ తెలియ‌చేసాడు. అలాగే జనతా గ్యారేజ్ రెండు సార్లు చూసాను అని చెప్పిన జ‌క్క‌న్న(రాజమౌళి)కి కూడా థ్యాంక్స్ తెలియ‌చేసాడు యంగ్ టైగర్..!