సాయితేజ్ సోద‌రుడు, మెగా క్యాంప్ డెబ్యూ హీరో వైష్ణ‌వ్ తేజ్ హీరోగా న‌టించిన చిత్రం ‘ఉప్పెన‌’. గ‌త ఏడాది ఏప్రిల్ 2న విడుద‌ల కావాల్సిన ఈ చిత్రం కోవిడ్ ప్ర‌భావం కార‌ణంగా వాయిదా ప‌డింది. థియేట‌ర్స్ మూత ప‌డ‌టం ఇతర కార‌ణాల‌తో ఒక‌నొక సంద‌ర్భంలో ఉప్పెన చిత్రాన్ని ఓటీటీలో విడుద‌ల చేస్తార‌ని కూడా వార్త‌లు వినిపించాయి. ఈ క్ర‌మంలో కోవిడ్ ప‌రిస్థితుల నుంచి త‌గు జాగ్ర‌త్త‌లు తీసుకుంటూ థియేట‌ర్స్‌ను ర‌న్ చేయాలంటూ, కేంద్ర ప్ర‌భుత్వం ఆదేశాల‌ను జారీ చేయ‌డంతో ‘ఉప్పెన‌’ ఫిబ్ర‌వ‌రి 12న థియేటర్స్‌లో రావ‌డానికి సిద్ధ‌మైంది.

సినిమా టీజ‌ర్‌, పాట‌ల‌కు అద్భుత‌మైన రెస్పాన్స్ వ‌చ్చింది. ఈ నేప‌థ్యంలో చిత్ర యూనిట్ ట్రైల‌ర్‌ను విడుద‌ల చేయ‌డానికి రెడీ అయ్యింది. యంగ్ టైగ‌ర్ ఎన్టీఆర్ ఈ ట్రైల‌ర్‌ను విడుద‌ల చేస్తార‌ని టాక్ వినిపిస్తోంది. అలాగే ఈ సినిమాకు నిర్మాత‌గా, రైట‌ర్‌గా వ్య‌వ‌హ‌రించిన సుకుమార్ చివ‌రి నిమిషంలో స‌న్నివేశాల ఆర్డ‌ర్స్ మార్చ‌డం, మ‌రింత షార్ప్‌గా ఎడిట్ చేయ‌డం వంటి ప‌నుల‌పో ఫోక‌స్ చేసి ఔట్‌పుట్‌ను మ‌రింత బెట‌ర్‌గా వ‌చ్చేలా చేసుకుంటున్నాడ‌ట‌. బుచ్చిబాబు సాన దర్శకత్వంలో మైత్రీ మూవీ మేకర్స్, సుకుమార్ రైటింగ్స్ పతాకాలపై సినిమా రూపొందింది.