ఈ యంగ్ జ‌న‌రేష‌న్ హీరోల్లో యంగ్ టైగ‌ర్ ఎన్టీఆర్‌ది ప్ర‌త్యేక‌మైన శైళి. డ్యాన్సుల్లో కానీ డిఫ‌రెంట్ గెట‌ప్స్‌లో న‌టించి మెప్పించ‌డంలో కానీ ఎన్టీఆర్ ముందుంటాడు. ఇందుకు ఉదాహ‌ర‌ణ అదుర్స్ ఛారి క్యారెక్ట‌ర్‌. అలాంటి మ‌రో విల‌క్ష‌ణ పాత్ర‌లో ఎన్టీఆర్ క‌నిపించ‌బోతున్నాడ‌ట‌. క‌ల్యాణ్‌రామ్ నిర్మాత‌గా ఎన్టీఆర్ ఆర్ట్స్ బ్యాన‌ర్‌లో జై ల‌వ‌కుశ(విన‌ప‌డుతున్న పేరు) సినిమా రూపొందుతున్న సంగ‌తి తెలిసిందే. ప్ర‌స్తుతం సినిమా చిత్రీక‌ర‌ణ‌ను జ‌రుపుకుంటుంది. ఈ చిత్రంలో ఎన్టీఆర్ త్రిపాత్రాభిన‌యంలో క‌న‌ప‌డ‌బోతున్నాడు. అందులో ఓ పాత్ర నెగ‌టివ్ షేడ్స్‌తో సాగుతుంద‌ట‌. దీనికి సంబంధించిన లుక్ కూడా ఈ మ‌ధ్య సోష‌ల్ మీడియాలో సంద‌డి చేసిన సంగ‌తి తెలిసిందే. ఇప్పుడు ఈ పాత్ర‌కు న‌త్తి కూడా ఉంటుంద‌ని స‌మాచారం. ఇన్ని షేడ్స్ తో ఉన్న క్యారెక్ట‌ర్‌లో ఎన్టీఆర్ ప్రేక్ష‌కుల‌ను, అభిమానుల‌ను ఏ రేంజ్‌లో మెప్పిస్తాడో చూడాలి...