ఎన్టీఆర్ పాటలీకైంది...
- IndiaGlitz, [Sunday,July 30 2017]
యంగ్ టైగ‌ర్ ఎన్టీఆర్ హీరోగా బాబీ ద‌ర్శ‌క‌త్వంలో రూపొందుతున్న చిత్రం 'జై ల‌వ‌కుశ'. ఈ చిత్రంలో ఎన్టీఆర్ జై అనే నెగ‌టివ్ షేడ్స్ ఉన్న పాత్ర‌తో పాటు ల‌వ‌కుమార్‌, కుశ క్యారెక్ట‌ర్స్‌లో క‌న‌ప‌డ‌బోతున్నారు. ఈ సినిమాను సెప్టెంబర్ 21న విడుద‌ల చేయ‌డానికి స‌న్నాహాలు చేస్తున్నారు. ఇటీవ‌ల విడుద‌ల ఈ సినిమా టీజ‌ర్‌కు ప్రేక్ష‌కుల నుండి హ్యుజ్ రెస్పాన్స్ వ‌చ్చింది.
కానీ టీజ‌ర్‌ను ముందుగానే ఆన్‌లైన్‌లో లీక్ చేసేశారు. అందుకు కార‌ణ‌మైన గ‌ణేష్ అనే వ్య‌క్తిని అరెస్ట్ కూడా చేశారు. కానీ ఇప్పుడు ఎన్టీఆర్ జై క్యారెక్ట‌ర్‌కు సంబంధించిన సాంగ్ లీకైంది. రావ‌ణ..అంటూ సాగే ఈ పాట ఇప్పుడు సోష‌ల్ మీడియాలో చ‌క్క‌ర్లు కొడుతుంది. మ‌రిప్పుడు యూనిట్ ఏం చేస్తుందో తెలియ‌డం లేదు. ఈ చిత్రంలో నివేదా థామ‌స్‌, రాశిఖ‌న్నా హీరోయిన్స్‌గా న‌టిస్తున్నారు. నందమూరి క‌ల్యాణ్‌రామ్ సినిమాను నిర్మిస్తున్నారు.